[size="5"]عندما انتقل عمل لولاس بن سعود المعيدي من المنيس من فخذ المفضل من المنطقه الشرقيه
الى العاصمه ( الرياض ) وحصل بعض الاشكاليات للشاعر فهاد بن محمد الريس من الويبار
من جهة عمله حيث كان يعمل عسكري بالمنطقة الشرقيه ولايزال حيث حصل بينه وبين احد
رؤسائه مشاده مما استدعى معاقبته بالسجن داخل المعسكر عندها تذكر غياب لولاس عن المنطقه ، كما تطرق الى ايران واعوانها والى من يشرك مع الله كالذين يقسمون بغير الله
فقال
دنيا طرب بايام وايام تنحــــــــاس = شفني مقر للعنا والوســــــــاويس
المنطقه مابه حلا عقب لـــــولاس = كنه عقب لولاس حفنة قرطــــايس
لاجيت انا في حارته دنق الـــراس = وعبرات عيني لايعتها الهواجــيس
حتى صغير بالعرب قال لابــــــاس = اطيب زمنا صار مع حضرتي هيس
كن الضماير كسره داخلي فــــاس = والا مثل قوم ولوها السناعــــــيس
اثر الغلا يخص ناس من النــــاس = ومعزته ماله حدود ومقاييـــــــــس
الله خلق في كل جيل له اجنـــــاس = احدن يجاوب سم واحدن معيــكيس
واحدن وطاه الوقت بالحيل منداس = واحدن ربح يوم ان غيره مفالــيس
دارة لنا بايام ملبس وهبـــــــــــاس = واليوم شفنا نشتغل بالاحاسيـــــس
السيف اشوفه صار رسمٍ بقرطاس = عيال الرجال اللي تعرفه محابيـــس
احب انا شرواك يامعرب الســاس = اللي مضى خله سوالف كوابيـــــس
تسابقوا للطيب ومن حظك الكـاس = ياللي بحزات الكرم ترخي الكـــــيس
رحلت منا والبلا فوقنا هـــــــــاس = دق الطبول وجاوبته المراويــــــــس
في ديرة قشرا ولا حولي اونــــاس = مابه طلاقه كل ابوها لوالــــــــــيس
ناس تهاب الله وتقسم بعبـــــــــاس = مذاهب ياصاحبي تتبع ابليـــــــــس
ارداهم اللي صار للغير بـــــــلاس = تاريخهم مابه علوم المتاريــــــــس
ياليت منهو ماعرف مثل لــــولاس = ابن الاسود متعبين المحاميــــــــس
نزيه متنزه ولا مر بادنـــــــــــــاس = الطيب كسبه درس الطيب تدريــــس
والله اعزك قلت الاشعار باحساس = بعدك غزانا من بلى الوقت فريــس
ارجو تنسيق القصيده لاني ماعرفت انسقها .
قصيدة فهاد الريس في لولاس بن سعود المعيدي
العرض العادي
