مبدأي باسم اللي لعفوه تسيلي
الواحد الموجود المالك الوال
رب الملا منشي السحاب الثقيلي
علام ما نبدى وماكنه البال
وخلاف نكر الله قم يا عميلي
هات القلم والبوك عجل وبالحال
وكتب بيوت الشعر بالك تميلي
سجل على سطح الورق جزل الامثال
مهدينها للقرم ريف الهزيلي
سالم الربع وفيه الامداح تنقال
حيثه من اللي يكسبون الجميلي
شره على جول الحباري الى جال
شهم بفعل الطيب باعه طويلي
حاش الفخر والعز كساب الانفال
من لابة يوم انها بالصقيلي
كم واحدٍ من فعلهم شاف الاهوال
ريف القصير مزبنين الدخيلي
وريف الضعيف اللي عليه الزمن مال
شمر مداهيل الكرم والفضيلي
نالوا فعول الطيب ذربين الافعال
تاريخهم محد بنكره جهيلي
من دورهم لليوم تشهد له اجيال
قلته و قول الصدق في نظم قيلي
لا قصدنا في مدحكم قرش و ريال
امدحك حيثك فايزٍ بالنفيلي
ومدحي قليل فيك يا طيب الفال
شرواك له بالصدر قدرٍ نشيلي
وله عندنا تقدير في كل الاحوال
ولا الردي حيشاك ما عنه اسيلي
اللاش ماله منزل عندنا سال
يفداك منهو ما يحوش النبيلي
اللي مشى درب المخازي و الانذال
جاك الجواب وكان مخطي بقيلي
المعذرة يا شوق من تلبس الشال
وصلاة ربي عد وبل المخيلي
على الرسول الهاشمي زاد الانسال
الشاعر / مسفر بن محمد اليامي
قصيدة اليامي بالشيخ / سالم بن ذعار الربع
العرض العادي
