هذي القصيدة وصلتني=
من الاخ =
حميد فلاح السرحاني الشمري=
القصيدة يقول حميد=
بديت بأسم الي ينجى الدخيـلي=باسم الكريم الوالي الرب مبداه
الــمعتـلي رب العبـاد الجليــلي=خلاق سـبع وفوق بـالارض رساه
ومن بعدذكره قلت واسندة قيلي=واسندة قيل(ن)ضابطن وزن معناه
من فوق قطاع الطريق الطويلي=جمس(ن)تحدى البنزودوج ممشاه
صناعه الي فيه فكر(ن) يهيلي=كيف صنعه ماعرف وشلون سواه
ألي اعرفه طب بأسم الوكيلي =ووراقة ابن جميح مكتوب بأعلاه
توه نزل مطبوع فيه الموديلي= لونه حليبي يوم شفته وصفناه
قبلي مدحه ابن فهد والجهيلي =راضي فهد يمدح صباحه ومسراه
ارسلة جمس(ن) فيه واحد دليلي= سواقه الي ماينام وتولاه
سواقه البطران قاسم زميلي = اليث ابو عامر صفط ثم عباه
اعطية ابو عامر كتابي بليلي= شغل وشال الخط مني بيمناه
قلت اوصله ياشوق ضاف الجديلي =وياجية ابن سرفاح مده ويقراه
وقله يقول حميد قلبي عليلي = والقلب عند الزين طبه وبلواه
قلبي تعب يالقرم ونهد حيلي =انهد حيلي والصبر وصل اقصاه
الي لعب بالقلب غرو(ن) كحيلي=سبحان من صاغه وحافه وحلاه
العين والمبسم وخده جميلي = والـراس يا فـلـه وصــل حد ما طاه
وزول(ن) مثل زملوق خطو المسيلي=زملوق قفر(ن) ناعم(ن) بالهواء جاه
ماريد غيره كان هو مهتويلي = هنيت من بالشرع يعيش بحماه
حسب كلامه مايكون العميلي= ويقول لو طالت علينا المراجاه
القلب يامنيزل بداخل مليلي = شكية لك والي شكى انظر بشكواه
بيني وبينه حب واضح وصيلي= اصلي منقى والشرف ساس مبداه
طولة ماجيته وهو ما يجيلي =نخاف هرج الناس حساد ووشاه
بيني وبينه يامنيزل فصيلي= ناس(ن) تقول فلان يركض بعمياه
ابيك تنصح مهتوين النقيلي =وراع النميمه تنصحه عن حكاياه
يا الي ربوعك ينقلون الصقيلي=وعدوهم خاب وخسر وتا ه
دورن مضاء من فوق هجل وخيلي=جيتوه يوم الله نوى يرمل نساه
فيهم مصاب وفيهم الي قتيلي = ومنهم كثير(ن) عاف ذوده وخلاه
رجالكم دور النمش والفتيلي =يضرب برمحه وبعصاته وشلفاه
ولضيف تذبح يا ابن الاجوادحيلي=ومهيلن ودلالك الصفر مركاه
اشاورك متى يحين الرحيلي =وانفار ق ديار(ن) هواء البال ماجاه
لو كان به حشمه وبن(ن)وهيلي= وكلن يقول حميد حنا عزمناه
وقبل سلامن يا سنافي جزيلي= والمعذره كان المثل ما ضبطناه
الله يوفق جيل غيري وجيلي =والله يهدانى على الخير وهداه
وصلو عدد ماطاح بالارض سيلي=وعداد من صلى الفريضة بدنياه
=الشاعر
=حميد ابن فلاح السرحاني الشمري
بعد ماوصلت هذي القصيده=
من الاخ الشاعر/ حميد فلاح الشمري=
يرد عليه الشاعر=
منيزل سرفاح الشمري=
وهذه القصيده لعله تحوزعلى رضاكم=
بديت باسم الله من قبل قيلي=الواحد الي كل الامه ترجاه
رب السماء احكم حكيم(ن)جليلي=محصي جميع الخلق يامر وينهاه
وخلاف ذا سار القلم مايميلي= بين الثلاثه للاساطير تقداه
جواب خط(ن)به كلام(ن)جزيلي=خط(ن)لفاني تشغل القلب معناه
اسباب خط القرم سهرت لليلي= لين الصباح اقبل على من ترجاه
حيثه عزيز وبالمثل يشتكيلي=و انا اتشرف فيه مراسيل شرواه
هليت با الخط عد ماسال سيلي= وعد النجوم وعد برق(ن)نثرماه
يا مرحبا اعداد خل وخليلي= وعداد ما با الارض ترعى راعياه
با الي لفاني فوق زين المديلي= القرم قاسم سايقه لا عدمناه
عليه قرم(ن) لصحاري دليلي=الي الجميح مورده لمثل شرواه
اليث ابو عامر لفاني بليلي= وبعد المسالم مد خطك بيمناه
قريت خطك بهتمام تحليلي= وساعة قريتوه عيني النوم ماجاه
تشكي علي من حب غرو(ن)جميلي=وادري براع الحب هذي سواياه
ادري براع الحب حمله ثقيلي =ما رتاح ساعة من عشير(ن)تطراه
يا ابن فلاح ان قلت مانمت ليلي=صحيح راع الحب ماهي دعاياه
ياحميد راع الحب دايم عليلي=ويقول وقتي راح كله مراجاه
لو كان يالمعروف ترقى الطويلي=وليث(ن) تحلل للامور الملواه
مثل البليهي يا رتكى للثقيلي = يشيل حملوه والحمول يتحداه
الحب ماهو للخمامه يميلي = الحب ما نال الهوينِ فبلواه
عند العذاره ما تشوم لذليلي= وبلوى الهواء صعب الصناديد تقواه
و لو قلتلي ياشوق ضاف الجديلي=ياليث يا الي ترفع الراس طرياه
يا الحر يا الي با العلى لك نقيلي= لايحيرك من قال هرجه بعمياه
ياحميد كبه عنك راع النقيلي = راع النقيلي ماتصدق حكايا ه
راعي نميمه دايم وهو رزيلي= لو هو يسولف مار محد يتوحاه
ومثلك يميز مبحلات(ن) تهيلي= انت البسيطة مايحيرك دعواه
ولكان خلك مايخون العميلي = البعد مايجلاء المحبة ويمحاه
لوهوبرفحاء وانت باأرض الجبيلي=ليث(ن) دور موقع العز يمناه
وان قلتلي يا القرم قلبك عليلي = تقول غيره ما وجدنى له ادواه
يا الله مشينى وانت معنا دليلي= نمشي عليهم فيه كبار الوجاهاه
يلكان ربي قاسمه مو بخيلي = هو الوحيد الي كبيره عطاياه
والصبر لايصير عندك قليلي =اصبر ولو ديار خلك منحاه
هذا وقف يا القرم تنظيم قيلي= ورجاء السموحه كان ماهي مساواه
وسلام مني عد وبل المخيلي = تحيتي لك فيه اخيره ومبداه
وصلاة ربي عد صبح(ن)وليلي=وعداد مالبى الملبي بمسعاه
الشاعر=
منيزل ابن سرفاح الشمري=
مساجله
العرض العادي
