ياليتني في عالية نجد سجيت

ياليتني في عالية نجد سجِّيت=في ديرةٍ بين الجحادر وبرقا
غربٍ من الزيدي بذيك السباريت=ومن جفرة الصاقب على الوصف شرقا
مادوجوا فيها عصير الكواشيت=ولا حرِّقوا باق النفايات حرقا
يدله بها اللي في ضميره تناهيت=من غاية الوجدان مدروق درقا
ينساح بالي كل ماشفت واوحيت=معزوفةْ الجندب على صوت ورقا
ياما مشيت ابها وياما تحليت=اضعان بدوٍ تيهوا كل طرقا
بدوٍ لهم صولات في نجد يابخيت=ويفرِّقون مولع الحب فرقا
انا اشهد اني في مناهلهم اشفيت=يسرق غلاهم مهجة الروح سرقا

عيد بجاد بن شده العتيبي

وهذي المجاراه من /
وصل الله بن عجلان العالي

يا عيد سج وسج بي معك لانْويت=وانعش قلوبٍ في هوا البدو غرقا
امشي معك ياللي بشفك تمشيت=واخيل من نو الحيا كل برقا
عدِّيت في راس الطويلة وعدِّيت =ترقا على روس النوايف وانا ارقا
وقمت أتمنى مثل مانته تمنيت=هاضت شجوني وأطرق الباب طرقا
احضر هجوسي وانحت من الصخر بيت =ولا اهاب صعب الدرب لو هو معرقا
ذكرتني مدهال ربعٍ لهم صيت=رماحها تزرق بها الخصم زرقا
واليوم باقي حيهم يتبع الميت =ما بينهم في موقف العز فرقا
عز الله اني من جفاهم تجافيت=وبيض الورق من دمعة الحبر زرقا

وصل الله بن عجلان العالي

 

 

 

 

 

 

 

 

 

 

مــادوجــوا فـيــهــا عـصــيــر الـكـواشـيــت=ولا حـــرِّقـــوا بــــــاق الـنـفــايــات حـــرقــــا
يـدلـه بـهـا الـلـي فــي ضمـيـره تنـاهـيـت=مـــن غــايــة الــوجــدان مــــدروق درقــــا
يـنـسـاح بـالــي كـــل مـاشـفـت واوحــيــت=معـزوفـةْ الجـنـدب عـلــى صـــوت ورقـــا
يــامــا مـشـيــت ابــهــا ويــامـــا تـحـلـيــت=اضـــعـــان بــــــدوٍ تــيــهــوا كــــــل طـــرقـــا

صدقت يابوفهـــــــد والله يلوووم اللي يلووومك

صح لسانك ولسان وصل الله العالي ملاااايييين ولله دركم على هذه القآفية الرااائعة
سلم لي على ابن عجلان وخله يســـيِّر يمنا في موقع شمر الرسمي

تحياتي لك لاعــــــــدمنا وجووودك.

 

 

 

 

 

 

 

 

 

 

الله لايهينك يابو طارق وصح بدنك