إهداء إلى الشيخ فواز بن عليوي التبلس الشمري.
دام الثنا له ..بالمواقف دﻻيل
ما كل من يبرك يشيل المثاقيل
جيتك على نهج الرجال الاوايل
تقدير للشمّ الشوامخ وتبجيل
ولا ينحمد هراج ما له فعايل
المجد مايبنى على القال والقيل
ومن دافع التقدير صغت المثايل
شاعر على وضح النقا بالتفاصيل
كل ٍيحملني سلام ورسايل
وابسط يميني عالوفا والمواصيل
للنادر اللي من الرجال القﻻيل
اللي لهم طيب و مراجل ..مدابيل
الله عطاكــم مجد كف ..وقبايل
والمرجله قلب وطموح ومداهيل
مخلوق في دم العليــوي وسايل
مثل الوحش لجزالها كفكف الليل
يدرى المواهم في سراب القوايل
من يضحك حجاجه فرح بالمداهيل
ديوان رحب وطيب نفس وجمايل
ويسوق لطوال الشناب الفناجيل
شيخٍ يفك بكلمةٍ له قبايل
مهابته تيبس لهاة الرجاجيل
لحدود شمّر ...حد سيف وهوايل
شموخ مايدنى عليه المداخيل
كف ابو فيصل لاعطت بالجزايل
مادورت مدح وتحسب المحاصيل
وﻻيجمل نجوم الرجال المثايل
والصعب مايعوقه ثقيل المعاويل
من كبر قدرك جيت والشك زايل
واسوق من طيب المعاني معاميل ..
الشاعر: خليل بن لافي الحويطي.