الشعر يهواني وانا جدا اهواه=يحبني وانا اموت بصفاته
ياهل ألهوا والعشق وشلون فحواه=قولوا وانا بقول معنى غلاته
يمشي معي وأحب انا المشي وياه=مانفترق ياغير حزة مباته
احبه وتسلم يمين الي رباه=رباه على الطيب من طيب ذاته
انا اشهد انه نادر وماله سواه=زود الوفا عنده يزيد بحلاته
مالوم قلبي يوم بالحب ينصاه=ربي كتب له بالمحبه شقاته
يصعب على الصقار دربه وممشاه=شيهانتن هي شفه وهي مناته
فيها شموخ وطايل العز ترقاه=سلوم العرب بطبوعه مكملاته
حظي عثر ماجاب لي ماتمناه=راحت وقلبي خطر يلقى وفاته
ماهو حسافه حب مثله وشرواه=ولو راح قلبي من ضحايا غلاته
وسلامتكم