بالله يالابتي ، جيبولي المكرفون
ابجهر الصوت وسط الناس واسمعه
هذي قصيده ،، بسمعكم على ماتبون
قصيدتن ننخي الصفران واللي معه
انشد هل المال والتجار هل ينفقون
عتق رقبه والولد كاس المرار جرعه
لو هو قليلٍ تصدق بس لاتستحون
محتاج والله ولدكم اي شي ينفعه
سلمان وسط الحدايد منسجن ومغبون
له اربع سنين وامه ، ينتثر مدمعه
تنخاكم امهُ ابصوته ، جعلكم تسمعون
مادام شمر هلا النوماس، فالمعمعه
الشيخ متعب ماقصر لاارتكا يشهدون
به الفزع والحميه ، والظفر منبعه
وهباس ينخا الطنايا ولانخاهم يجون
عبده والاسلم ، وسنجاره بهم منفعه
سلطان شيخٍ مجرب لابغو ينتخون
اليامشى حاجتن ملزومٍ يسنعه
ياحي من لابتن ، تومان هم ينتمون
والنعم والله بشيخٍ صيتهم يرفعه
واثني على لجنة الاعتاق ماينسون
اجر وفاء مع طناخه ، كلهم بجمعه
سلمان جعل الطنايا بشوفتك يفرحون
ويبدل الضيق ياسلمان باقصى سعه
ابوبادي الحصين