{ الشـــعور العــــذب }
أنا قلبي تعرفينه ، من أول قصة العشاق /
على نفس الشعور العذب ، وحبه زاد حنيّــه /
على وضح النقى حبيت وحبك داخل الأعماق/
ولا يمكن أخونك يوم دام النفس بي حيـًًّـه /
يعيش القلب في سكة غرامك ثابت الميثاق /
ولا يرضى سواك اليوم ، وانتي فيه شكـيـّه /
أحبك يابعد حالي ، وقلبي صادق الأشواق /
ولا أرضى أعيش أوهام بالأحلام مبنـــيّه /
يطول الليل مانـمّـــته ،وكني عاشق الأرهاق/
على جمر الغضى والحرف والأوراق مرمـيّه/
يروح الليل ويعدي وتبدأ حـــزة الأشراق /
وأنا في عالمً ثاني أعيش أحلام ورديـّه /
تعال وجمّع أوراقي قبل ما أحــرق الأوراق /
ترى حال الهجر فرقاك ماهي حال عاديه /
حبيبي لا نكون أبعاد ويــٌقتل حبنا بفراق /
ترى بعض البشر كذاب بقصة حب وهميه /
تملكني شعور الخوف حتى صار ماينطاق /
وأنت تخاف وتشكــك وربي عالم النيه /
ترى قلبي تعرفينه من اول قصة العشاق /
على نفس الشعور العذب بالروحات والجيّــه /
_______________________________
_______________________________
^^ وســـلامتـــكم ^^