ياكودها لاجتك طعنة من اغراب = وشلون لاجت طعنتك من عيالك
حب الوطن ثابت ومغروس بأطناب = في قلوبنا وعقولنا والمدارك
في داخلي منزلك مايوم قد غاب = شامخ ومن دونك حياض المهالك
وين العقل وين الفكر وين الألباب = على وطنك اليوم درت المعارك
تخدم بني صهيون وباقين الأذناب = وأهل العجم حطوك بأردى المسالك
ضرٌيت من رباك واعطاك ماطاب = ماهي كثيرة لو تضحي بمالك
ماهوب صاحي عقلك اليوم منصاب = ارخصت دينك والوطن شوف حالك
هذا عقوقٍ للقرايب والأحباب = داروك الأعداء واستغلوا هبالك
ضاع الرجاء بك والامل سبتك خاب = ارجع لرشدك قبل ساعة زوالك
( احمد بن ناصر المحرج)