الفوج علق رايته يوم الاكفاح=يوم انها من بين صدق ويميني
طالوا به اللي يوم خاسر ورباح=خذوا من الامجاد علم يقيني
علم على مبدا وميراث ماراح=ماهو من علوم الملا الهابطيني
على وفا ماهو على فتل مسباح=ياقلط البرهان للحاضريني
ميكاد يشهد له قديمات الافراح=من كل صوب وكل يمة فطيني
شي عليه من التوكايد صراح=عن خافي الخافي وطبع اللعيني
اميره اللي يوم مفلس ونجاح=قال اسمعوا وانا على كل حيني
سالم وتاريخه كما النور يالاح=شيخ الشيوخ وخيرة الوارثيني
من روس شمر يوم للفعل ميضاح=اللي على العايل تقود القطيني
اللابة اللي حصلوا جل الامداح=من وقتنا الحاضر لوقت الدويني
اخوات صلفه يوم شالح وشلاح=عدوهم تصبح حياته غبيني
قاده بوقت فيه للشر مكفاح=ضمن قطاعات الحرس واقفيني
في قوة من كل ربع ومرواح=بوقت اللزم ماهم من الشارديني
يخيفون ند نده البين وانزاح=واقفا يجر الويل مع كل شيني
كم حزة سارت على سلك الارواح=نلنا بها يوم اللقاء نوبتيني
بمشنشل ضيمه على الضد رجاح=ان صار له على الطمع نيتيني
واليوم راع المجد باقي وكساح=مشل لامنه تخفى العويني
ونعمين اخو حصه والايام شراح=ازال كود مع ضمان رصيني
له موقف والحق للغير سراح=اما نقاء والا هباوة ضنيني
حيث ان عرب الساس من يلبس وشاح=ويجابه الميقاف للبينيني
ماهو بخافي كل ماخايب باح=واليا هرج في شي هرجه ثميني
اميرنا اللي مادرى كل نباح=راع النقا وكل الملا شاهديني
ومن رام شي مناهيه الاقباح=يخيب دامه ماسمع ناصحيني
هذا هو الحق الحقيقي والاسماح=من بين سمحين النبا المكرميني
والا الهدوس هدوس ماهم بنصاح=اهل الخزاوي كانهم شارهيني
اللي سوالفهم هزاوي وقباح=والخزي فيهم من قديم السنيني
وصلات ربي عد كتب بالالواح=على الرسول وسنة التابعيني