البارحة الفكر في حله و ترحاله
بين المآسي وكان يشوفني كنّي
:
ونسايم الليل واحساسه ومواله
هبّن على مهجتي ينوِن يبكنّي
:
والله هو الواحد المعبود نلجأ له
باسمه ابابوح لك ياسيدي منّي
:
فرايدن "برقهنة" يسبق اخياله
طرزتهن من حنينٍ داخلي حنّي
:
بالواقع المؤلم المحصور في حالة:
في حاجةٍ للخبير الشاطر الفنّي
:
والعقل "ما دامه إنه طوّر الآلة"
لما يبيع اليقين ويشتري ظنّي
:
والشمري حتى لو ماميل عقاله
الشمري شمري ورد الخبر عنّي
:
ستر العذارى و أما حزة القالة:
كنه بـ حايل كذا مبسوط ويغنّي
:
والمملكة دونها الاشبال ورجالة
وصقورنا معهم من الموت بالطنّي
:
وحنا هل الحرب بالميدان خيّالة
وحنا الذيابة ندوّر بالخلا: جنّي
:
من يقترب للحمى بالحين تغتاله
أسدٌ تخليه ايقول: "الله يلعنّي"
:
لأنه إنسان خاين؛ تافه؛ احثالة
ولو اتركه ثانية من خلف يطعنّي
:
وانا برئ منه مع عمه وخاله
شخصٍ يشب الفتن بديار تسكنّي