هجوسي رفقاً الليله تراني متعب ووجعان
جريحن مالقـى [طبّه ] ترفـقبـه ولا تاذيّه
ابي اعذب شعر يحتل ذوق الضامر المليان
طرت لي سيدة اجمل نساء الكون واللي فيّه
طرت لي شيختن عنده تنّيخ وتبرك القيفان
سلام الله على [ ذكراه] ياجاني قبل لا اجيّه
روتنـي مخلصن وافي وانا باقي بها عطشان
روتنـي مارويته والحلا والزين كيـف ارويّـه
عطيني اذنك الصقهاء انا باعلن عليك اعلان
انا شاعر نزف شعره عشانك ياغـلا داريّه
انا لولاك ماجبت الفرايد والسمَان سماَن
وانا لولاك ماقلت القصيد ولاشقينا فيّه
عليك اغار من مدحك شعر الداهيه فرحان
ابن قيران[ لو مدحك ] صحيح وكلنا نتليّه
متى شعري على ذوقك يجي ويرجح الميزان
تعلمت الكتابه [بوح] لجل [ابوح لك] يا هيّه
اذا ضاق الفضا كلّه .. وحطت فيني الاحزان
كتبتك ياهنّا شعري .. وقلبي وانت له راعيّه
انا العاشق ..انا الهايم ..انا المغرم .. انا الولهان
انا المجروح من سيف العيون اللي هدبها تيّـه
انا [ ياكامل العفه] طريح لجفنك الخدران
وسيعات العيون السود … يالبى و يالبـيّه
وانا يامحرقة جوفي على الدنيا ماني بلشان
سوى بجمرة شفاك اللي هنّيِ منهو تبي تكويّه
تعالي واعرفي مثلي يشوفك ويش بالاعيان
تعالي واعرفي قدرك بقلبن بُعدّكَم يطويّه
اشوفك اطهر من المي وانعش من سحّب هتان
واشوفك موت من حبك حياة المنّ تختاريّه
تعلمت الكتابه [بوح] لجل [ابوح لك] يا هيّه
العرض العادي
