فزعة دبي الشمري لصالحه المحيني
 

يقول الراوي :

هذي حكايه طريفه جرت بيـن الـعـقـيـد المشهور بذاك الوقت
دبي الشمري ويقال بانه من التومان , الحمولة الكريمه المعروفه بالمغازي .
وبين صالحه وهي من المحينات من قبيله عنزة الكريمه .


كانت صالحه ترعى لأهلها والظاهر انها يتيمه , لأن البنات
مايسرحن الا نادرا ً , اما ماعندها اخوان وابوها شايب او يتيمه .

أهل صالحه عـيـوا لايعـطـونـهـا .. الهجار ..(الهجار تربط بـه يد الجمل برجله حتى مايتحرك بسهوله)







وهذي صالحه أهلها معيين لايعطونها هجر للزمل( الزمل: الجمال فقط).
وعذبنها وأتعبنها ...وهذا شي مايتحمله الرجال كيف بنت ناعمة

ومافي امل تتخلص من هالعذاب الا ان يجي غزو وياخذهن!
وماجاهم غزو .....!!

وماكان قدامها حل الا انها تنخى أحد العقداء المشهورين بهاك الأيام
حتى يجي وياخذهن ويفكها من العذاب .. بعد ماطفح الكيل ...!!
ووقع اختيارها على فارسنا دبي


تقول صالحه :




ماتويـق ياشيـن يادبـي
على المحينات لك نوبه

الـزمـل هـيـاج عـذبــي
والهجر بالبيت عيوبـه




المهم .. وصلت القصيده لدبي ..!
تحركت فيه النخوه وماهانت عليه صالحه!

وفعلا ً غزى على المحينات .. ولقى صالحه ..!
قال دبي : من انتي ..؟!
قالت(وهي شافت الوسم) : الله جابك .. انـا صالحه يادبي!؟

قال : جيتك وانا اخو فلانه..!!
قالت : كفو والله

قال : عقلي بعيرك اللي تركبين , وانا اريحك من البـاقي..!

وفعلا ً اخذهن وفـكها منهن , وراحت لأهلها

يقول دبي بصالحه بعد ماهب لمساعدتـها وانقاذها.. :



يــاصــالــحـــه يــــــــــام دواره
عـيــن الـغـزيــل لــيــا ســجــي

مـانـتـي مـــن الـبـيـض مـكــاره
اصدق من اللي نهج حجي!!!!!!!

يـابـطـن حـمــرا مــــع الــغــاره
حــوايـــة الــبـــوش لاهـــجـــي



،
،
،

احسنت يابن نبهان

على ايراد هذه القصة الشريفة والطريفة

للعقيد المشهور دبي النجباني


تحياتي لك

تسلم أخوي بن نبهان على القصة الجميلة

ياسلام عليك يابوخالد قصه جميله من وجهن طيب
بن نبهان التميز منك وفيك

تقبل من اخوك كل اعجاب وتقدير

مشكور اخوي ابن نبهان على هالقصه وهالقصيده وهي زي ما قلت لصالحه المحينيه ودبي النجباني من التومان

بس لى ملاحظه بسيطه وارجو ان تقبله بصدر رحب وحنا هنا ندور الحقيقه فقط على شان نرقا بالصرح الشامخ الى اعلى

وهي القصيده الثانيه ماهي لدبي النجباني

القصيده اللي تقول ( ياصالحه يم دواره ........ عين الغزيل ليا سجي )

هذي لعوده ابو تايه شيخ الحويطات

قاله بصالحه وحده شمريه عاشقة ٍ علوم الدريبسي من الزميل من شمر

كان عوده غزاي هو وصياح المرتعد والشمامره غزو بعد وكسبوا الشمامره كسيبه واخوياهم بعيد عنهم شوين والبل الكسب ما عنده

الا علوم الدريبسي وسند ابن عبيان من الشلقان من الزميل ويوم شافهم عوده قال لصياح المرتعد ابشر بالكسب وهم يغيرون عليهم

واطرق يا علوم الدريبسي على ذلول عوده وارمه يا ذابحه والمره الثانيه مثله والثالثه صوت علوم على عوده قاله ترن ما ابي اذبحك

ياعوده مار جنبنا واركب ياعوده ذلول اخرى قال علوم ياعوده ترن ابيه بغزال الشداد وارم غزال الشداد يا كاصمه (الغرابه ) قال عوده

غدوا يالحويطات على كرمة هالشمري وتركوهم والله لو يبي يذبحنا كلنا الا يذبحنا واحد واحد

وهو يقصد هالقصيده

يا صلحه يم دواره ........ عين الغزيل ليا سجي

مانتي من البيض قماره ........ اصدق من اللي نوى الحجي

لك صاحبن يجدع الشاره ....... والدم من مضربه مجي

والبيت الاخير شاهد القصيده

وتقبلو تحياتي

رد: فزعة دبي الشمري لصالحه المحيني
 

	يعطيك العافيه علىطرح القصه فعلآ جميله الله يوفقك

ابن برزان

رد: فزعة دبي الشمري لصالحه المحيني
 

يعطيك العافيه علي المشاركه

والله لايهينك


تحيتي

رد: فزعة دبي الشمري لصالحه المحيني
 

رد: فزعة دبي الشمري لصالحه المحيني
 

مشكور اخوي ابن نبهان القصيدة صحيح بس الله يجزاك خير ماكملت باقي السالفة عند ماغزا دبي ويش الي صارعلية ويش سووبة المحينات وعليها شاهد السالفة هو دبي فارس من فريس شمر ورجل معروف بشجاعتة وطيبة وكرمة



يقول المحيني

متشوف دبي غدا ضبي يوم المحينات صكوبة
الشمري طاح وانكبي بالمحقبة علقو ثوبة

اخي ابن نبهانالله يجزاك خير اذا جبت القصة هات شاهدها على شان لا تضلم ولا تضلم
لك مني الشكر على هالقصة الضريفة ومليون نعم بعنزة وشمر والقبيلتين غنيين غن التعريف

رد: فزعة دبي الشمري لصالحه المحيني