ليس لها صله بالواقع
او ربما واقعيه
ولكنها لاتعني شاعرها
واذا كانت تعنيه فربما تعنيكم
هكذا وردت وهكذا اوردتها
الابيات
/
\
/
العام الاول سيرو يابن كساب =معهم صغيره تو مابرقعوها
لو ماتغطت ماعلى مثلها عتاب=ولاهي تطيع الناس لو عاتبوها
كانت تلبسها غصب امها حجاب=ويفله الذعذاع لا مرجحوها
يغار اخوها مايبي تطلع الباب=لكن اهلها كنهــم دلعوهــــا
العام الاول سافرو حزة غياب=شوفي بعيني يومهم ودعوها
كل البنات اقراب ,جيران, واصحاب=ادموعهم عند الوداع اذرفوها
والعيد هذا سيرو ناس غياب=بعد ثلاث اسنين جو شرفوها
تجمعو كل القرايب والاحباب=تعـــايدو لكنهم ماعرفوهــــا
الطفله اللي اكثر اغراضها العاب=بعـــد الصبا بخمارها قنعوهــــا
كبرت على العتبه ,ومريم ورحاب=ياما شرو كتاكت واتقاسموها
وانا انكتب لي انطح وجيه الاغراب=اهل البلـــد في خير مير ابتلـــوها
مرت تثنى وانصهر غي وانساب=متى كبرت هالبنت يالعن ابوهـــا
تمشي تقل تمشي على صفحة كتاب=قصه مــن التلمــــود ماالفوهــــا
لدة علي بعيونها حيرة اعجاب=ملامحي في غيها ذكروهــــا
وانا عرفت ان التعاسه لها اسباب=لاصرت خابــر زينها وحجبوهـــا
عيد الضحيه مر والجرح ماطاب=تتفتق جروحي ولــو قطبوهـــا
ياليتني في عمرها يابن كساب=والله مااخليها ولو حيروهــا
لاصرت خابرها قبل تلبس حجاب=وشلون ابا انساها ولو برقعوها
مابرقعوها
العرض المتطور
