________________________
__________________
____________
__________
_____
___
_
-
-
يطول الزعل والزعل كله بـدون اسبـاب=تمـادت دلـع والتغـلـي عندهـاعـاده
وانا تمادت بي السجـه علـى المرقـاب=سبـة عشيـرن نـوى بالبعـد مقعـاده
يحوم في البال من حزني عليهـا عقـاب=وايلا تعـب ارتقـب فـي راس جلعـاده
تروح الضنون وتجيني بالكـدر اسـراب=اجوال (كدري) صـدرت واجـوال وراده
جوفي كهف والهوى في داخلـه هبـاب=ضلوعي حطب والجفا بـه نـار وقـاده
وجودي وجود السجين اللي برجوى الباب=ابطى وهو ينتظـر مـن يطلـق قيـاده
ولا مثل وجـد منهـو متهـم بارهـاب=محكوم حكم(ن) غيابـي مايجـي بـلاده
ولا مثل ماتوجـد (غالـب الحطاب)=في سجن برزان ضيع حكـم وسيـاده
ولا وجود اليتيـم اللـي مالـه اقـراب=سمـوه دار الرعايـه بـعـد مـيـلاده
عليك ياللـي جمالـك يلـوي الارقـاب=علـيـك تتلـفـت الانـظـار منـقـاده
ياقمـة الـذوق ياممـلـوح يـاجـذاب=متـى تحقـق لقلبـي غايـة مــراده
يامستبيـح الاناقـه مذهـل الاعـجـاب=ياصـارع الموظـه بلـوكـه وابـعـاده
ا~يه من الحسن تتجمـع بهـا الأقطـاب=وطبعك بعد من صفاتـك ماخـذ عنـاده
العنق عنق الغـزال الهـارب المرتـاب=خشف(ن) جفول(ن) تحير فيـه صيـاده
وعيون لولا الجفون وعكـش الاهـداب=خلجـان اسافـر بهـا مـن دون زواده
وخشيم كلـه غـرور وكبريـا واعتـاب=سيف(ن) تجـرد يقـص العايـل حـداده
وشفيفة(ن) ذابلـه فـي نكهـة العنـاب=خمريـة(ن) والحـلا بـه سكـر زيـاده
بنت(ن) نحرها يقول اقلط على الترحـاب=ارحب من الحـظ لامـن جـا بميعـاده
في الجامعه لقبوهـا فـي ثـلاث القـاب=(المذهلـه) و(الفرنسيـه) و(وجــلاده)
ياما جلدة مـن قلـوب وحيـرة البـاب=كـل(ن) تمنـى يصادقهـا مثـل غـاده
وجودي عليها تزاعلنـي وانـا منصـاب=وش ينفع اللـي مثـل حالـي توجـاده
عسى زعلها مادام انـه بـدون اسبـاب=دلـع بنـات وتغلـي مـاهـي بـعـاده
الالقاب
العرض العادي
