بسم الله الرحمن الرحيم
السلام عليكم ورحمة الله وبركاته
هذه القصيده لشاعرنا/طلال فهد الشمري
يالـلـي تـقـول ان الطنـايـا القديمـيـن = راحــو وراح المـجـد مـاضـل بـقـايـا
شمر طنايا في كل ساعه وكـل حيـن = وصـغـيـرهـم يـشـيــل كــــل الـبـلايــا
تـبـآ لــك يـاقـايـل المـنـطـق الـشـيـن = وتـبـآ لـمـن مثـلـك جـحــود العـطـايـا
هبـيـت يالـلـي تنـكـر افـعـال وافـيــن = هبـيـت يـامـن بالـخـطـا لـــك حـكـايـا
انت ومن مثلـك عـن النـاس واطيـن = ياللـي جعـلـت حـقـوق شـمـر خفـايـا
إسـأل هلـك إن كـان بالحـق ماشيـن = واسـأل اهـل العـرف هــم والـروايـا
شمـر سـادو بالجـزيـره مــن سنـيـن = حكام عهد(ن)فـي عهـود(ن) مضايـا
اكـبـر جـمـل نوخـلـهـم والصعيـبـيـن = والذيب الأمعـط صـار نومـه ضحايـا
ماغيرهـم مــن عـيـد العـيـد عيـديـن = هو عيد الأضحى وفيه عيد الضحايا
في يوم ياعسره على الناس ياشيـن = ويـامـا كـثــر فـيــه الـبـكـا والنـعـايـا
وشمر سعدهـم فيـه يابـن الكريميـن = يــاولــد قوم(ن)متـعـبـيـن الـمـطـايــا
يابن الرجال اللي على الضد قاسين = الـلــي كـرمـهــم واصل(ن)لـلـبـرايـا
تـراهـم والله مـــن كـلامــك بـريـيـن = فيـهـم رجال(ن)بالـعـدل لــه سـوايــا
لكن الجهل بلوى عن المنطق الزين = ياجاهل(ن)في علوم قوم(ن)عصايـا
والرجـل يـوزن كلمتـه بيـن حرفـيـن = مـاهـو بـيـلـدغ زي بـعــض الحـيـايـا
وشمـر تراهـم وسـط كــل الميـاديـن = نـارهــم حــيــه وبـالـبـلايـا وصــايــا
وشمـر يديهـم عاليـه فـوق الأيـديـن = مانـزلـوهـا يــــوم لأهــــل الـعـطـايـا
اليوم.وبكـره.وامـس.واول.وبـعـديـن = شــمــر طـنــايــا لاتـنــاخــو طـنــايــا
فـي عيونهـم تصغـر كبـار العنـاويـن = لاصـــار يـوم(ن)فـيـه شـــر وبـلايــا
وشهادتك ماهي مـن الهـم لـه شيـن = شـهـادتــك لــــك يـاقـريــب الـنـوايــا
لكـن توضيحـي صـار لـلـي فهيمـيـن = اهـــل الـعـلـوم الطـيـبـه والـسـجـايـا
واختم كلام(ن)جبت قافـه علـى ايـن = والشطـر الاخـر جبـت قافـه عـل آيـا
وانا طـلال الشمـري مـن السلاطيـن = هلـي سناعـيـس الفـخـر لــه سـوايـا
والذيـب ذيب(ن)لاغـدى الليـل ليليـن = والأصـل واصــل مافصلـتـه البطـايـا