قصيده في الشيوخ ..
نجم ونواف أبناء الشيخ عبدالله بن عواد اللغيصم
للشاعر: خلف المحيجين المسعودي الشمري |
يعل عبدالله بجنة نعيمه =في جنة الفردوس يقطف ثمرها
اللي لنا عقب شيوخٍ كريمه =شيوخٍ حذو حذوه وساروا بثرها
على طريق الشوشلي مستقيمه=ماكن عبدالله رحل من ديرها
البيت عامر والفعايل مقيمه=تسلم يمين اللي بناه وعمرها
نجم رفع رايات مجدن قديمه=جدد فعول أبوه واحياء سيرها
في صفحة التاريخ دون قسيمه=ورسم على وجه المكارم صورها
شبلن على العليا ركابه هميمه =رام الطويله واعتلى ماقصرها
شيخٍ فعوله والمواقف عظيمه=مدات كفه عبرةٍ من عبرها
عطاه يغني للفقير ويتيمه =عطيته ماكل شيخٍ قدرها
مدات جوده مثل هتان ديمه=يروي للأرض الممحله ويعمرها
غيثن على جو الحفر صب غيمه=شربوا هل البل وارتووا من مطرها
بحرٍ يعوم وفيه تلقى الغنيمه=تلقابه اللؤلؤ وتلقى دررها
يانجم على اسمك تعليت غيمه=نورك سطح يانجمها ياقمرها
وعضيدك اللي مارضى بالهزيمه=نواف ابو نايف خصيمه دمرها
شيخٍ يهدي بالملاقى خصيمه=من عانده ذاق المرار وكدرها
ضرغام ماينضام خصمه يضيمه=يمنن على حقه تطاول بترها
زيزوم قوم وفيه حكمه وشيمه=يفرح صديقه والمعادي قهرها
على عدوه مثل لاضي جحيمه=وأمرّ وأقسى من قساوه حجرها