وجدت قصيده العام المنصرم في احد المواقع ونقلتها والتقيت في الشيخ عبدالله رحمه الله
واخبرته بقصة الطالبه اللي تعرضت من زميلاتها بالذم بكلمة(بدويه) وللصدفه كانت الطالبه
شمريه وهاضت قريحته كونها شمريه فوراً ليرد بأبيات قد كتبتها من قبل ولكن بدون عنوان والآن اضع
القصيدتين خلف بعض
أيه بدويه ريحتي بن وبهار = هذاشرف ماهو بحقي خطيه
أنا بدويه بنت حر من أحرار= فزعات ربعي بالشدايد قويه
أنا هلي يابنت وافين الأشبار = كانك جهلتي من أنا ياغبيه
ياجاهله ماتغدي الشمس الانوار= حنا كما شمس على الأرض ضيه
حنا هل الطولات هيبه ومقدار = حنا مثّل للشرف والحميه
حنا الطنايا للكرم رمز وشعار = حنا الخوي مايخلي خويه
الذيب يوم عوا وسط الاسحار = عشوه ربعي من سنين مديه
يوم ان جدك وثق القفل بالدار = بيت الشعر مفتوح صبح وعشيه
للظيف ريف وللمعادين جبار = نرد الحياض ولانهاب المنيه
يابنت لوبكتب من اشعارواشعار = تعجز معاني حروفي بجديه
اللعب خلي اللعب لعيال شطار = لاتدخلين السيل وانتي نديه
=========================================
أيه بدويه أبتدي منين الأشعار = وهي البدويه اليوم صارت قضيه
يلعن أبو من يقوله بأنكار = تاج على كل المعاني بدويه
أنتي بدويه بكل عز(ن)وأكبار = تكبر بك الدنيا وتصبح مديه
انتي الصبا ياهب حزات الأسحار = قطر الندى وسط الفياض العذيه
انتي بدويه غنتك حلو الأطيار = أنشودة الأشراف وانتي هديه
انتي بدويه ارفعي الراس باصدار= عزت هلك يابنت مامن شديه
ولا تعاتبين اللي جلبتهم لنا اقدار = غفله من التاريخ قولي خطيه
قلته وانا واقف على راس سنجار = تلعب بي الدنيا بصبح وعشيه
الشيخ عبدالله عراك الجربا يرد على قصيده لطالبه شمريه في أحدى جامعات المملكه
العرض العادي
