اسمحلي يايوسف اعطيك اللي اعرفه عن قصه الامير عبدالله الرشيد :
اولاء : هو راح للعراق اكثر من مره وانه مامسك اي منصب بعهد ابن علي مثل حمايه الحجاج العراقين اللي اعرفه ان عبدالله مامسك المنصب هذا.
ثانيا: بدت المشاكل بين العلي وعبدالله بن رشيد حتى وصلت الى محاوله قتل عبدالله بن رشيد .
ثالثا: يوم يروح عبدالله بن رشيد للعراق مايبي فزعه الشيخ صفوق الجربا وانما بسبب الخلافات بينه وبين العلي.
رابعا: يوم تصير معركه الحله بين شمر والاتراك وانتصرت شمر كسب عبدالله بن رشيد تمثالين ذهب على شكل غزال وخذاهن وراح للرياض واهداهن لفيصل بن تركي السعود وصارت علاقه طيبه بينهم.
خامسا: مثل ماقلت يوم يدبر مشاري بن عبدالرحمن الموامره اللي ادت الي مقتل الامام تركي , كان عبدالله بن رشيد مع الامام فيصل بالشرقيه ويجيهم الخبر وساعد عبدالله بن رشيد الامام فيصل بالتخلص من مشاري بن عبدالرحمن وقام عبدالله بن رشيد بقتل مشاري بن عبدالرحمن , واللي حز السيف بيد عبدالله بن رشيد هو مشاري بن عبدالرحمن .
سادسا: يوم رجع الحكم للامام فيصل بن تركي قال فيصل بن تركي لعبدالله بن رشيد وش تبي ياعبدالله امر قال عبدالله بن رشيد ابي اماره حايل وعطاه الاماره .
هذا اللي اعرفه عن الامير عبدالله بن رشيد اخووووووو نوره الله يرحمه
الله يعطيك العافيه يايوسف الشلالي على النقل الرائع
تحيــــــاتي