شمر مثل سيل الفراتين لو ساب
مي المجاري ما يعذرب شرابه
وشمر مثل طودٍ شمخ فوق الاهضاب
يكبر مع كبر العواصف صلابه
وشمر مثل نجم الدجى دوم لهاب
ومثل الكواكب بالسما يقتدىبه
وشمر سيوفٍ ماصدى فوقه اقراب
المسعد اللي بالشدايد هوابه
وشمر هم الزهيد كان الردي هاب
عمارهم عند اللوازم اجلابه
وشمر براكين الغضب ضد الاجناب
وللصاحب اسهل من خفايف اثيابه
وشمر كما الحنظل على كبد شرَاب
واحلى من السكر على من لجابه
وشمر ذرى الخايف اذا وهوس ولاب
عز الدخيل المال وكته وجابه
وشمر هل الردات عيين الاطلاب
خصيمهم مفلوج يوم الطلابه
وشمر هل الطولات زاكين الانساب
من معدنٍ ما يلتقى به شوابه
وشمر طنايا من الطنا شالو إلقاب
ليوثٍ كواسر لاطنت ماتجابه
وشمر غدو برميح والمرسله خاب
وعركاتهم بيص الغضنفر غدابه
وشمر سنام المجد والمجد له طاب
بيت الكرم والطيب شمر اطنابه
وشمر على كل المواجيب تعاب
اهل العقول الفاهمه واللبابه
وشمر لهم مرقى على كل مرقاب
وتلقى لهم في كل ديره مهابه
تاريخهم ما ينحصي بأكبر كتاب
الشمري يحتار قارئ كتابه
هلال الصلفيج