قصيدة خلف أبو زويد بالأمير سعود بن عبد العزيز المتعب الملقب بأبو خشم
في كون الجوف عندما عاد من المدينة مع أخواله السبهان وهو صغير في السن وكان في
وصاية زامل السبهان بعد أن توفي خاله حمود رحمهم الله جميعا .
يالله يارازق جمـــــــــيع العبادي = يامنزل علمك بحبـــــــــــر وقرطاس
حر شلع من خشم أجا ثم صادي = يدهش وهو مانقض الريش قرناس
ماياكل الا صاخنـــــــــات الفنادي = صاد أبو تايه والشـرارات وجلاس
أيمن هجيجه سندوا صوب وادي = وأيسر هجيجه يـم ندفى والامحاس
كم ليلة منــــــها يشيب السوادي = مثل الخشــب على الحراذين يباس
وكثر بربعه من يـــــدور الميادي = وحنا بنينا قطبة أطنابها أمــــراس
فهران بن هيشان للخيــــل قادي = وجانا بخيله ضمـــــر مثل الاقواس
ولحقت بمطني مثل حــر الهدادي = حيــــــوا بزينين المحازم والالباس
والليث أخــو صلفة بعيد المعادي= من السيف فزاع على قب الافراس
والمرتعة يستاهلون الســــوادي= والمرتعة بس الحصاني والابساس
يالبيض عرضن الثيــاب الزبادي= يوم ان أبو مشعل لفى عقب الاياس
أوفى الــديون المبطيات الغوادي = اللي يقول عبيــــــد في دور عباس
يـــوم(ن) نــــــواف نزل بالبلادي = ومجمعه من كـــــــــل بد معه ناس
قبايل وجموعها له حــــــــــوادي = ويزين الدحه لـــــــــهم كل هواس
يبــــــي يبصيد ولايحسبه يصادي = يما فــــراه اللي على الصيد لهاس
يامير مالك بالقبــــــــــايل ملادي = لامن العـرب كله ولا من بني ياس
أم نشت بك جعلـــــــــها للبرادي = يعل مايمسه مــــــــن النار مساس
وعبيدك اللي مثل زمـل الهدادي = أرداهم اللي للمناعيـــــــــر مدباس
أوفى الــديون المبطيات الغوادي = اللي يقـــــول عبيد في دور عباس
يقصد بالبيت السابق قصيدة عبيد الرشيد اللي يقول فيها مخاطبا الجوف
يادار ياللي من وراء غر الاطعاس = لاتحسبيني من بطا الوقت ناسيك
يادار يادار الخنـــــــــا وام الادناس = مثل السلوقي كل من جاك يشنيك
العام خليناك مـــــــــن شان عباس = والا لبن شعــــــلان ماني مخليك
أتيك بالفاعور والسيـــــف والفاس = وبطوبن يهبــط مانبا من عواليك
تقبلوا تحياتي
قصيدة خلف أبو زويد بكون الجوف ..؟؟
العرض العادي
