عاش عبد العالي بن فريح الحربي مع السويد سنين طويله قال في قصيدته انها خمسة عشر عام
واكرموه كعادت شمر عندما يكون لهم جار من خارج القبيلة او خوي او ضيف
وعندما عاد لربعه أو قيل إنه سكن عند خواله عنزه لأنه تزوج منهم
كتب هذه القصيدة وارسلها للسويد عندما تذكر حياته معهم . وما كان يحضى به من المعزة والتقدير والاحترام والقصيدة تشرح اسباب محبته لهم
يقول عبالعالي الحربي مخاطبا ابنه فريح
يا فريح عيني قازيه عـن منامـه=ودموعها من فوق الأوجان سايلـه
قالوا علامك قلت مـدري علامـي=هموم على قلبي عراضٍ وطايلـه
يالله يا والـي علـى كـل والـي=ياللـي علينـا ناشيـات مخايلـه
يارب يا معبـود ياقايـد الخير=يا مقسم أرزاق الملا من فضايلـه
تسمع دبيب النمل في ليلة الدجـى=وتعلم خفي العبـد عدلـه ومايلـه
تعود لديار المحـل عقـب موتهـا=عقب المحل تمطر وتخضر مسايله
ما قصدي الدنيا كفـى الله شرهـا=صيور ما الدنيا عن العبـد زايلـه
أجلي ورزقي بحكمة اللي خلقنـي=بحكمة ولي ما حصينـا فضايلـه
رزق الفتى يكتب بعالـي جبينـه=وما دبر الباري على العبـد نايلـه
أشوف براق علـى هجعـة المـلا=عينـي تراعيلـه وقلبـي يخايلـه
تمطر على ديار اللي بهم لي وناسه=لا جيتهم همومي عن القلب زايلـه
أولاد صقر هم هل الطيب والنـدى=ريف القصير ليا تـردن رحايلـه
وا لفتهم ولف على الطيب والنقـا=وأدرى عن المنقود وأدرى فشايلـه
خمسة عشر عام وأنا بزود شيمـة=وادناهم اللي طب بطنـي جمايلـه
قصيرهـم دايـم بعـز ومـعـزه=وبراس عيطا عن سمـوم وقايلـه
ولولاي اخاف يقـال هـذا يـدور=ويشحذ بقيله يـوم ولـف مثايلـه
لا زورهم وأشوفهـم كـل حينـي=ويدله لهم قلبـي وتبـرى غلايلـه
تفرقوا يتلون هوى شمّـخ الـذرى=ويروون هتاش الخلا من مسايلـه
الله يجمعهـم علـى العـز والبقـا=ولا يفرح المبغض عليهـم بعايلـه
أوصف الأجواد وأعـد مـا بهـم=وقبلي المهادي ماضيـات مثايلـه
الأجواد مثل الزمل للشيل ترتكـي=وتصبر على كود الحمول وثقايلـه
والأنذال مثل الرس لو زاد سيلـه=لا كثـرة وروده تـردت ثمايلـه
أقول قول ولانـي بالقيـل باحـل=والقول يكفي عن كثيـره صمايلـه
تمت بذكر الله وصلوا على النبـي=اللي سعى بالدين واضهـر دلايلـه
وقال ايضا القصيدة التالية والتي يمدح بها السويد وشيخا من شيوخهم وهو
فريح الهربيد رحمه الله
أرقـبــت فـــي راس طـعــس نـبـالـي=طعـس طويـل وفـطـن القـلـب للقـيـل
قـعــدت بـالـمـرقـاب يــــوم لـحـالــي=ولاعـنـدي الـلـي ونـسـن بالتعـالـيـل
وبـديـت بـذكـر الله حـقـوق الخيـالـي=الواحـد اللـي يفـرق الصبـح والليـل
خـلاق مــزن بالسـمـاء لــه ظـلالـي=وعـواد لـلأرض المـحـل بالهمالـيـل
يــامــودع بـاتلى الـشـهـر لــــه هــلالــي=عـلامــة للـنــاس جـيــل بـعــد جـيــل
وطالـعـت بـيـوت يــوم بنـيـن قبـالـي=بيوت(ن) وأهلن يحرقون المعاميـل
أولاد صـــقـــر أوي والله رجـــالـــي=أوي رجــال مـابـهـم قـــول ٍأو قـيــل
ياما كسبوا معبسـات الشمالـي=بديار قوم يكسبونـه علـى الحيـل
يـــوم الـقـوامـة يـبـعـدون الـمـدالـي=بالطـيـب غـصـب ٍيـدركـون التنافـيـل
يالـيـتـنـي مـنـهــم قــريــب مــوالــي=زمل التخوت اللي تشيل أثقل الشيل
لقريـبـهـم مــثــل حـلـيــب الـمـتـالـي=طـوال الارقـاب مسقمـات المخاليـل
عسى وطنهم بأول الوسم سالـي=لياجت من المولى حقـوق المخاييـل
تـمـطـر عــلــى الخبة وذيك الـسـهـالـي=ويروى وطنهم يافتـى الجـود بالسيـل
ديـرة كريـم مـاضـي(ن) لــه فعـالـي=ماهو خطاة اللاش يبشع على الكيل
أخـو شقـى زبــن الـركـاب التـوالـي=أن أشهـد أنـه مـن خيـار المشاكيـل
شـيــخ ولـــد شـيــخ قـديــمٍ وتــالــي=كـريـم سـبـلا مـاضـي ٍ لــه مفاعـيـل
وتقبلوا احترامي وتقديري