القصيده التي ارتجلها الحربي امام لولاس بن سعود المعيدي فقضى لولاس حاجته واعطاه ماطلب

سلام الله يابو فارس سلام (ن) يلوي القـــيفان ..... على قيد الفريد من المعاني في حسن نيــه
سلام(ن) مابعد مر بخيال مساعد وضـــــــيدان ..... سلام(ن) جيت اقدم به للولاس والشرف ليه
سلام(ن) مثل نور الشمس واطلالة عظيم الشان ..... سلام(ن)من ذهب ومن الذهب رصنه ايديه
سلام(ن)في سلام(ن)في سلام(ن)والسلام الوان ..... وبعد مبدا السلام ابدا الكلام بحاجة ليــــــه
انا واللي عطاك احلى الصفات وميزك باحسان ..... بك افخر وافتخر باني مدحتك عن احقــــيه
لانك سيف.. ابن عز الضعيف.. معرب الجـــدان ..... سلايل من يجيرون الدخيل ونارهم حــــــيه
ولد من تعتزي فيه وتفاخر لابة كحيــــــــــلان ..... اصيل وابن اصيل وابن اصيل وراعي احميه
تواضعت ورفعك الله على غيرك من العربـــــان ..... ملكت الناس باخلاق(ن)وهبك الله مثـــــاليه
انا لو بكتب اوصافك وربي يمتلي دـــــــــيوان ..... مهو ميه. ولا ميتين صفحه .بل ثمانمـــــــيه
زعيم المرجله تكفا ولا قد قلتها لانســـــــــــان ..... سواك ومستواك اكبر من ابيات ارتجالـــــيه
نخيتك فزعة(ن)مثل الرصاصه والشقا نيشان ..... واناادري لارمى لولاس صابه ميه بمــــــــيه

وهذه القصيده القاها الحربي في مجلس ابو فارس ( لولاس بن سعود المعيدي ) وكان متواجد بعض الحضور الذين كلهم شكروا الحربي الا لولاس قال لقد بالغت فهناك الكثير من شمر ومن ربعك ومن القبائل الاخرى من هم اطيب مني بكثير ولكن ايش هي حاجتك عسى ان نقدر نقضيها لك قال حاجتي كذا وكذا فقال لولاس الحمدلله بسيطه فقضى حاجته وقال الحربي انت تستاهل ومن يقضي حاجتي يستاهل ولا اعتبر نفسي مبالغ في مدحه دون قصور بالاخرين .
تحياتي والف نعم بكل طيب من جميع القبائل .

 

 

 

 

 

 

 

 

 

 

اخونا الفاضل

المزاحيم

كل الشكر على النقل المميز

والعشر تنعام في المادح والممدوح

دمت بخير

 

 

 

 

 

 

 

 

 

 

مشكور اخوي على النقل

وصح لسان الشاعر

تستاهلون ياشمر كل خير

تقبلوا مروري واحترامي

 

 

 

 

 

 

 

 

 

 

والف نعم باللي يقضي حاجة من نصاه

 

 

 

 

 

 

 

 

 

 

والنعم من المادح والممدوح


يعطيك العافيه