فينا كرم حاتم وفينا طنا الزير

ابو برجس صح لساتك على الرائعه .
ابداع مستمر
وحظور متميز


تحياتي (هلال الصلفيج)

 

 

 

 

 

 

 

 

 

 

الشاعر عايد عيسى


صح لسانك وعتلا شانك


قصيده من طراز عالي ..


الفخر تميزت به ... والوصف فيها جميل ورائع .


اعجابيـــــ



تقبل مروري

 

 

 

 

 

 

 

 

 

 

المشاركة الأصلية كتبت بواسطة عايد عيسى

لا تجرحن ماني بغاوي معايير = تكفي جروحي بين كاتب وقاري
ان كنت انا كويتي او كنت انا غير= شمر هلي وديار شمر دياري
شمر جبل كان انت باني لك قصير= مبناك يا مسكين ساسه هياري
شمر هل الصولات يوم الطوابير = والا انت ريشه مع هبوب الذواري
شمر عذاب معسكرات المسامير = لا طوحن سود العيون الهباري
شمر هل الردات شمرمغاوير = رديهم بالفعل فعل انتحاري
شمر اليا ثار الدخن والاعاصير = شمر هل السيف الحدب والشباري
فينا كرم حاتم وفينا طنا الزير = وعمر ابن معد الزبيدي مواري
تعال نازن فعلكم والمشاهير = يرجح بها من شمر(ن)فعل ضاري
عساك لجنون البقر والخنازير = وش عرضك لي وانت حافي وعاري
وش عاد لو تملك كثير الدنانير = واليا ركبت الروز والا الفراري
ثقافتك ما بين طبل ومزامير = ما طنتي حافظ صحيح البخاري
حنا بدو قبل اختلاف الجماهير = كانت مدينتنا فجوج الصحاري
نرحل وننزل بالسلف والمظاهير= ندرا ولا كنا لحي(ن)نداري
يا ما حلا المظهور لا نزل عصير= بين الخزامى والنفل والخباري
ثم عطفن جل البكار المقاتير = وبيت الشعر والسيل بالروض جاري
روض(ن)خضر به ديدحان ونواوير= وصوت ام سالم والقطا والقماري
ويا ما حلا المقناص لو ما معك طير = وشوف الجوازي والظبا والحباري
لا شفتهن نزلت من متنك السير = وفي مخزنه مخلوط عادي وناري
ومديتها وارعد صدى الصوت تفجير= بالقايده والملح ساقه جباري
ونجر(ن)ينادي لنشاما مسايير = والنار تدعي تالي الليل ساري
ما قاله دغيم ذكرته بتكرير = لا حل ذكر دغيم(ن)حي طاري
لا صكت البيبان دون الخطاطير= يكليب شبه في ظلام القداري
يمكن يشوفونه بعاد المشاوير = سارين ليل وصايمين النهاري
ويا ما حلا وقت الضحى لمة البير= بنات بدو(ن)يلبسن الخزاري
ذولي مواريد(ن)وذولي مصادير = وكل(ن)بزينه عالطبيعه تماري
ما دوجن بالسوق بين العطاطير = ولا صوتن راجو وميري ولاري
ولا دشن الصالون حمره وكوفير= ولا قلدن باللبس بدلة هلاري
مكياجهن نقش الكفوف ودواوير = وعطورهن ريح الفياض العصاري
هذه عوايدنا على الشر والخير = افهم وحدد من بعدها مساري
عن البداوه جبت شرح(ن)بتصوير= وعرضتها ما بين بايع وشاري
الشرح وافي ما يبي زود تفسير = ما قلت به خافي ذكرته جهاري
وللمستمع مني تحيه وتقدير = للحضر واللي ينزلون البراري
من غير نقص(ن)بالقبايل وتقصير= كل(ن)على حقه جزوع(ن)يثاري

ولـلـمـسـتـمـع مـــنـــي تــحــيــه وتــقــديــر

لـلـحـضــر والـــلـــي يــنــزلــون الـــبـــراري

مـن غيـر نقص(ن)بالقبايـل وتقصيـر

كـل(ن)عـلــى حــقـــه جـزوع(ن)يــثــاري

هلا وغلا
الشاعر الجزل عايد عيسى
اسمح لي بأن أثبت هذه الشامخه
شموخ وإعتزاز ومدح لقبيلتنا العزيزه شمّر
رد جزل من شاعر جزل
أعتقد مهما كتبت لن أفي هذه الشامخه حقها
للتثبيت وعوده لتصفحها من جديد
إحترامي لفكرك الراقي

 

 

 

 

 

 

 

 

 

 

حي الله اخونا ومشرفنا العزيز
(محمد)
جزاك الله خير على المتابعه والاطراء الجميل والتعبير المميز
وهذا دليل على ذوقك الراقي اما القصيده يا اخي عاديه والاخوان
والاخوات الشعرا والشاعرات ما فيهم قصور ان شاء الله
اخي محمد لو سمحت عدل هذا الشطر انا نسيت من وهنا المعنى غير واضح
والوزن
الشطر -- ومن عمر ابن معد الزبيدي مواري
تحياتي اخوك عايد الشمري

 

 

 

 

 

 

 

 

 

 

	حي الله الاخ الفاضل عبد المحسن المطيري جزاك الله خير ما عليكم زود يا حمران النواظر تحياتي اخوك عايدالشمري

 

 

 

 

 

 

 

 

 

 

	هلا وغلا بالا خ الغالي والشاعر الراقي هلال الصلفيج حي الله ابو دهام شهاده من شاعر مثلك اعتز بها يطول عمرك ياعزيزي تحياتي اخوك ابو برجس

 

 

 

 

 

 

 

 

 

 

صح لسانك عايد وصحت قريحه تجيب مثل هالقصيد وانت ولابتك والنعم فيكم بكل مكان وبكل زمان والله انك نومستنا بهالقصيد الر اقي اللي مايشبه الا انت
اختك حزووول

 

 

 

 

 

 

 

 

 

 

صح الله لسانك على هالجزله وتستاهل شمر هذا الإطراء
وقصيده في مجملها رائعه
لكن هالبيتين شاش راسي يوم قريتهن فأقتبستهن

حنا بدو قبـل اختـلاف الجماهيـر

كانت مدينتنـا فجـوج الصحـاري

نرحل وننزل بالسلـف والمظاهيـر

نـدرا ولا كـنـا لحـي(ن)نـداري

 

 

 

 

 

 

 

 

 

 

ح ـي الله اخونا الكريم

وشاعرنا القدير

عايد عيسى

صح لسانك الين ترضى

قصيدة جزله وشامخه مثل شموخ سنجار الجبل

اسجل اعجابي

واسمح لي بنقلها الى مكانها المنايب القصائد النادره

دمت ودام ابداعك

 

 

 

 

 

 

 

 

 

 

	اهلا وسهلا حياك الله اخوي قبلان الخمسان يشرفنا مرورك يالغالي تحياتي اخوك عايد الشمري