قال من هو لا تكلم تكلم في دليل =كاتم(ن)شعره من سنين لين انه وجب
اندفق بحرالقوافي وزاد السيل سيل=اباغني وارفع الصوت مرفوع العتب
فرحة(ن)يفرح به الطفل والعود العليل=كان شمر شدواالعزم والحبل اكترب
فرحة(ن)تزداد فرحه وحيل وشرب هيل =والغراب اقفا وغنت لنا الورقه طرب
صوتكم لمحمد اليوم يالشعب الاصيل= الكرم والجود والمجد له الله وهب
من زرع معروف يحصد وذي ثمرة حصيل= والتعب والجهد مخلوف من يتعب لعب
لايزال الدرب جدام والمسرا طويل=احسبوا للي خسر واحسبوا للي كسب
خلكم بالراي واحد ولا واحد يميل= صاحب الكفين يفرق عن الرجل العضب
طاف عشر اسنين نصبر ونشرب حنظليل=وفوقهن عشره وخمسه يالله العجب
الجهل من عصر عيسى وموسى والخليل=والرسول اللي عرج به عصاه ابولهب
لايفرق جمعكم واحد(ن)يومي شليل=مهنته تفريق الاصحاب وليوعد كذب
يالطنايا يالسناعيس يالجمع الثقيل=اذكروا تاريخ الاجداد واصحوا ياعرب
كيف من بعد المعزه يصير الراس ذيل =وكيف سيف الهند ترضون به سيف الخشب
اسمحوا لي نرجع الوقت للماضي قليل=ونتذكر عصر شمر وهو عصر الذهب
اذكروا مطلق ومطلق اليا بار العميل= مطلق ومطلق بالنساب يانعم النسب
واذكروا هداج تيما اليا قل المكيل=لقبوه الزير سالم ليا شد وركب
اشتهر بين القبايل مثل نجمة سهيل=ابو خوذه عجز الشعر في فعل ولقب
كيف ننسى الهادي ابو دهام والياور عجيل=حاكم الصوبين حلحيل حلال النشب
واذكروا عدوان ونعيس لاشب الفتيل=واخو صلفه يذكرونه اليا لحق الطلب
واذكروا من بيد الهجن مقدارالف ميل=تعبت الخيل الاصايل وهايس ما تعب
كيف ننسى غيبة الذيب يا فايز هذيل =لو نسينا فايز هذيل يلحقنا عتب
والحدب وعضيب وعقاب مثله مستحيل=واذكروا وش قال شايع عن الجار وخطب
كيف ننسى فعل ابا الميخ في سيفه عصيل=مدخل العايل تحدي بلا عذر وسبب
واذكروا راع اللحيسه اليا شح البخيل=واذكروا من يشبع الذيب لامنه طنب
وابووطفا مكرم الضيف سمن(ن)فوق حيل=واذكروا كريم سبلا وخيال الشعب
وش ذكر ردهان بشويش في رد الجميل=قا ل هوش شويش ما هيش في فرس وعرب
وابومتعب حامي الدار يا عز الدخيل=خظها حتى صفتله وبحفونه شرب
وابو بندر مقدم الجمع لاهاب الذليل=بالكرم حاتم وبركان نار اليا غضب
وان ذكرنا محمد الخيل جالت له صهيل=سجل التاريخ والمجد لمحمد كتب
لامدافع لاصواريخ بس فرسان خيل= جمع شمر راس ماله مع السيف الحدب
والجنازه يذكرونه مع السيف الصقيل=لقبوه عن الف خيال والف(ن)محتسب
اصبحوا تحت الثرا وانتم الجيل البديل =ناركم من نارهم جعل ما يطفي اللهب
نفتخر بامجاد شمر وجيل(ن)بعدجيل =وانتهى عصر المغازي وجا عصر الادب
ما نسينا حق الاجواد لا والله وكيل=كل دار(ن)به رجاله ويعجز من حسب
والختام عبيد وكروش ضافيت الشليل=ويمنعن عن باقي الشرح اكثر من سبب
(