يا جماعة الخير الشعراء و المتابعين للشعر ,
هــاكـم هذه القصيدة وارجو من الشعراء المقتدرين المتمكنين ..
الذين لهم بـاع طويل في الشعر ..
أن يقيموا هذه القصيدة و يعطوني رأيهم فيها دون مجاملة ودون تزوير ..
و يوضحو الملاحظة في الابيات و الخلل فيها ..
أحتمال بكرى أسافر و أرجع السبت او الاحد القادم أن شاء الله .
أمـا باقي الاخوة المتابعين فالهم الحق أن يضعو ردودهم .
الحب شمسٍ مادنت لليـل وطمـاع الغـروب=الحب قاتـل لـو قتـل يحـل لـه الارتكـاب
الحب لو كله ذنوب مـا اظـن عنّـه نتـوب=الحب حيرة اسأله فيني لقت أشـرف جـواب
الحب كيف ابوصفه وصفـه يذوبنـي وذوب=يالحب لا تشره علي وصفك يسبب لي ارتياب
لو تجتمع فيك الوصوف الناجحه ترجع رسوب=لو تكتبك كل الحروف ابد ابـد مالـك كتـاب
لا صرت كلمه وحّدت الحالها لسان الشعـوب=ما يختلف فيك البشر في قرب او حتى غيـاب
لا صرت بحساسك تحط الّين في اقسى قلـوب=تعطي ولا تاخذ من الواقع مواعيـد الثـواب
لا صرت مفتاح الفرج لكل ظيق وكـل بـوب=والصبر من دونك ترى مهما علا طيرة غراب
لا صرت بسمه في محيّا طفلةٍ طبعـه لعـوب=وأصدق خبر امن المطر واكرم هماليل السحاب
علمتنا معنى الصراحه لا بـدت منّـا عيـوب=علمتنـا ان الغـلا يرقـا ونرقابـه هضـاب
علمتنا كيف الرجل يصبح مع الناس محبـوب=علمتنا ان الخطا ما كل خطـا بـه يستتـاب
علمتنا ان العمر لو طـال بكتـاب محسـوب=حسن النوايا والوفا يقود لـك روس الرقـاب
يالحب وش باقي بعد جيتك وانا فيك مغصوب=جيتك على شان اشتكي يالحب هو ليه العذاب
ما قد حسبت ان الهوى اضحى يميّله الهبوب=ولا قد حسبت ان العلاقه تنتهي بكلمة عتـاب
هي ودّهـا تذلّنـي وانـا لـك الله امهيـوب=قلّي اذا هي غلطتي اكون في عشقـي مهـاب
يالحب خذني للقا شمعه علـى بابـه تـذوب=أنت الوحيد اللي على موتي يحـل الارتكـاب
وش يقولون الشعراء عن هذه القصيدة ..؟
العرض العادي
