حر شلع من راس بـرزان واعتلـى=طلعه بعيـد وجـاك للصيـد عايـر
شاف العلف بأطراف ابا القير واحتدى=واودع جول الخلـب بريشـه نثايـر
خم الكبير وادلى على الطير والعلـف=ادلى علـى خلـب سميـن الفقايـر
من عقب ماتشرف على الحرب كلـه=يسمـع مناجيهـم مشيـر وشـايـر
عقب الحرايب قشّعوهن مـع الدجـى=وكـل توسحـل فطّـره راح نايـر
اوثب عليهـم عقـب ماقـاد مالهـم=وخلى عجاج الخيـل بالجـو طايـر
وخلى رزيز الماطري فـوق نزلهـم=رزيز مـزن بـاول الوسـم صايـر
جاهم هديب مكلـف الزمـل بالسـرا=حـر تعـلاّ بالجناحـيـن طـايـر
يشعث بنواف من الصبح الى المسـا=والبيق هو وغبيـر راحـوا كسايـر
وفـلان هـو وفـلان ومالـم شملـه=يشرب ملاح ويسـري الليـل نايـر
من حاربه لو هو ورا ساحل البحـر=يمسـي بكبـده موقـدات السعـايـر
مـن خـوف دمـام يديـر بيوتهـم=يضيـق نزلـه والعـذارى غرايـر
زيزومهـم محمـد زيـزوم سربـه=شيـخ عنيـد وشمـر لـه ظهايـر
يسحم عليهـم فـوق شقـرا محجلـه=تشبح بها شول على البـوش عايـر
خطير مـن زومـه تكسـر عنانـه=من شلعهـا لليمنـى عليهـا خطايـر
ياكافـي السـيّـاه يـادافـع الـبـلا=ترفع عنـه كـل الأمـور الضرايـر
لا قايلـه كـذب ولا لـي بالـمـرا=ولانا على طمعـات الزمـان دايـر
مـار الثنـا راعيـه يشكـر بالثنـا=ويستاهـل التمديـح عـز الظهايـر
وخـلاف ذا يـاراكـب صيعـريـه=تقطـع فيافـي طايـر فـوق طايـر
يلفـن لصيـوان وبيـت ومختصـر=وخيـام تلقـى بهـا شيـوخ ذخايـر
تلقى شبيه سهيل الـى جيـت بينهـم=الى جيت يقفن بـك عيـون حرايـر
لله ياميـر الله يفكـك مــن الـبـلا=يافرحت المضهود الـى جـاك نايـر
يامير ياسيل وطـى العلـو والسهـل=تلقى مداهيجـه بهـا الـورد صايـر
ياميـر يانجـم تهلفـى مـن السمـا=مـودع شخانيـب الوعايـر كسايـر
يامير يازيـزوم مـن طبـوا الوطـا=والى ادبرت شهب السنيـن العسايـر
ياميـر يـاهـدّاج الــى زاد ورده=الجم يزمـي مـن غميـق الحفايـر
يامير ياما اعطيت من شمّـخ الـذرا=كبار الجماجـم مطبقـات الحرايـر
ياميـر يامعيـش المساكيـن كـلـه=ويشبـع بمذراتـك طفـال القصايـر