يقول مزيد بن زيد الملعبي المطيري وهو من اهالي السعيره ( سعيرة الفغم ) بالمنطقة الشرقيه
في قصيده يمدح بها لولاس بن سعود المعيدي وقبيلته شمر :
لي رفيقٍ غيبته عني شهــــــــــــــور = من بني شمر اهل فعل وظــفـــر
هو عضيد اللي شكى الوقت الغـبور.= عند حزات المواجب ينـــــــذكــر
هاجسه بالطيب في كل الامـــــــــور= وبالمواقف وقفته عز وفخــــــر
في لوازيم الوفا قلبه جســــــــــــور= والظلام يزيح يابان القمــــــــــر
من نواعيرٍ يفجون النحــــــــــــــور = فعلهم مشهود كلٍ به خبـــــــــــر
اذكره باسمه مابا الهاجس يـــــدور=قلت في لولاس قافٍ مختـــصـــر
ياجمل دايم على حملك صبــــــــور= وعزوتك تارد على الموت الحمر
ياسناعيس الوغى هاضت شعــور=ساقها مزيد قبل قت الظـــهـــــــــر
والله انك من وفيين الشبــــــــــور = ولو يطول الميد شبرك ما قــصــر
عن سجاياكم كتبنا بالســـــــــطور = وساقني معروفك لكتب الشــــــعر
انت جبر اللي دخل عظمه كسـور= يوم واسيته نسى هاك الكســــــــر
ونعتذركم يابو فارس بالقصــــور =وانت مبداك التسامح وتــــــعــــــذر
جزاك الله يامطيري خير على رد الثناء ومدح لولاس وقبيلته العريقه شمر