ياهل الركايب موميات السفايف=فج العضود وضامرات السراجيف
أن روحن درهام مثل الولايف=تريضولي لاصدفكم صواديف
تجملو تكفون ياهل العسايف=في واحدن ضاقت عليه المحاريف
أخذو كتاب اللي علومه طرايف=وهات الجواب ليارجعتو مناكيف
تنطحو مروين حد الرهايف=وأهل الفعول اللي تفوق التواصيف
عز الصديق مزبنت كل خايف=وأهل الفعول وكاسبين المعاريف
شمر مثل روس الجبال النوايف=وخصو بها اللي يروي الرمح والسيف
شيخً ولد شيخ ً عديم الوصايف=ابن طواله مكرم الجار والضيف
ياشيخ يامروي حداد الرهايف=علي من قاسي زماني عواصيف
تكفا ترى وقتي عليه مهايف=والناس فيها من رداها ملاقيف
ودنياك هاذي ماعليها حسايف=لكن يلحق من تضده تكاليف
الشاعر مبارك العتيبي
ياهل الركايب موميات السفايف
العرض العادي
