أول قصيدة لي في موقع شمر الرسمي
عام 2005 وبعدها لقبوني (بشاعرة الطنايا)
سلام من سنجار ياصل لـ حايل =اعسف لها بحور القوافي مظاهير
لـ سلمى واجا وكر الصقور الأوايل = ويثني على برزان ريف الخطاطير
وياصل على اديار الطنايا الأصايل = اللي بنوا مجد الحضاره بأساطير
من نسل حاتم كل ابوهم حمايل = عفية اكرام ٍ ماتهاب المخاسير
يعطوا الجزيله مايمدوا الرذايل = هم للكرم , عنوان , وسادة , ومشاهير
خلفت عمير معربين السلايل = حلالتـ(ن) وقت اللزوم المعاسير
ماضي وحاضر بارزين الفعايل = نسل السنا والعيس رجال ٍ مناعير
نالت عداها من طناها الهوايل =هم للدخل مزبان وللضد اعاصير
وعلومنا يادار صارت مثايل = تروى كما اهلالات مع قصة الزير
وشوفي الوقت ياهيـه بالعزوة مايل =صرنا اغرابـ(ن) وان لفينا مسايير
ومن بعد عزك صادفتنا الرزايل = حنا معى دهر الليالي مخاشير
ويادار عجزت لاتطولك قبايل = ياحلم املوك ٍ مالقوله تفاسير
وان كان لـ شمر في شموخك جمايل = كانوا على بيبان جاهك نواطير
وســـــــــلامتكم
بقلم الشمـريه المجهـوله