ياالله ياعزال ليل ونهارا=كريم ولا غيرك كريم نراجيه
شد الحليجي وجاب حص ودرار= والله كريم من بغى الرشد اهديه
عبدالله وعبيد نسل المارا=ومحمد اللي يقطع الراس يرميه
ضهي البرد من باب حايل اسارا =حرب ودواسر العتيبي محاريه
نهض عجاج الخيل واكتمت بالسفارا=سكب عجاج الخيل وداست خطاريه
طلفيح والدمام وشمر اخيارا=مابين عبده وزوبع تباريه
حطو عثاعيث الصيور يسارا=يرزح لة الدمام ومن تاه يقديه
عبد العزيز الشيب سعر اسعارا=إليا نهض زعلان صرخه ترضيه
سراة عداة جاب قوم سكارا=تطرقن ذروات وسردن تباريه
المنسرق الفين قوم كثارا=والمرهمه جت الضحى من علاويه
قادة على المسرب ربيع القفارا=لما غشا الصمان والعج كاسيه
جينا عليكم يالمطيري بثارا=مصيول التجغيفي لياحل طاريه
وقع عزيز وقعته بنحدارا=عقب حذاهن مابكم من يوعيه
ورعك قتيل مات عاشر نهارا=عقب الاغاني ساكنات ناعويه
عبوس يوم اجراب كدر ومرارا=ناس تروف وناس تسمع اغانيه
مطلق الزقام ياللي تقولون نارا=اسئل حسين بعصركم وش جرى فيه
ابو شوارب طار بالرمح طارا=بمشنشل عوده طويل يدهديه
جابه عقاب الصيرمي مع احرارا=على قعود مخدر العطف حاديه
شافت اعراتة سيد ريم العذارا=بنت الدويش اللي هنوف تراعيه
ثلاث ايام مخيمه بالمعارا=يجوز لكم ولا على غير راضيه
مشعاث غطت لحيته بالحمارا =وحوضة اخو رثعه من الدم ماليه
محمد رمى راكان مابه نكارا= يشدا مداحل حايد الزمل ثانيه
عجرشي وكاد صح قرارا=قبل الشريف وبيصهم قطع ايديه
وضاري اخو صلفه بعيد الخبارا=والمايق اللي صلطة من بلاويه
عقاب والتمياط والربع اشارا=وغضبان الألتق ماضياتٍ مواريه
امغيضة وهل لبدة ارخاص العمارا=والحضر ضرب سيوفهم من يلاقية
كنعان شبيه عمير وهايس عرارا=يشرب حثال الموت وهذاك صافيه
تشاور بالثميل وابو القيارا=سمعوا بصوت السويدي يناديه
توادعو هم والحاليل وسارا=وغلق على مثل السمرمر تحاليه
هايس رمى عقاب يوم المثارا=بيض نثايل للقعيطي مداليه
ادعج غنج بعيون ريم العفارا=عيثر شقاق البجدلي بين شافيه
والقصيدة اطول من ذلك ونقلتها بناء على طلب الاخ سنجار وتقبلو تحياتي..
الشاعر الكبير راشد الحليجي الثابتي الشمري
العرض العادي
