إسترح ياقلب وخل اللي يقول
العمر لحظات والفرحة ثواني
اه ياهمي علامك ماتزول
تقبل اللوعات يازين المعاني
وش بلاك اليوم ياحظي كسول
بدل الاحزان في وقت الزماني
من أمور الوقت صفيت امعلول
والله إني تهت في دنيا الأماني
الثانية_
ياصباح الخير مرحب يامساه
الحنون اللي عسى عمره يطول
الحلا زين النبا مااصبر بلاه
كاسب النوماس والعلم الجزول
ياربيع العمر ياشمسب ودفاه
إنت تاج الراس يالشيخ الحمول
ياصليب الشور وبزايد حلاه
ياعريب الساس في مثلك نقول
الثالثه_
ياما فرحت بجيتك يوم طليت
وأحفظ قصيدك واتلذذ كلامك
إسمك لمع بالكون ياعالي الصيت
وادمح أنا الزلات حتى ملامك
إنت البدر والنور ياشمعة البيت
نايف بهذا الجيل واجب سلامك
الرابعة_
ياعل قلبن ماشكا الحب يلتاع
وياجعل عينن ماتشوفك سهيرة
وين الشيوخ اللي لهم مجد وارباع
يوم الملاقى بالسيوف الشطيرة
عيني لها عن لذة النوم لذاع
ومن سبته صارت حياتي خطيرة
الخامسة_
حيا الله اللي جيته كنها عيد
يسطي على الشريان والقلب يهتز
أسج عنه وانتحي تقل ماريد
واكذب أنا لوقلت الروح تعتز
يامر علي واقول امرك بعد سيد
هوبلسم جروحي وهو حزني حز
السادسة_
في جيته مثل المطر ياهلا به
والأرض تضحك يالفوها العزيزين
وتباشرت كل العرب في جنابه
الضيغمي نسل الاكرام النزيهين
الطيب والمعروف دايم ربابه
وفي مجلسه تلقى علوم الفهيمين
تسلمي حبيبتي وصح لسانك على الباقه المنوعه
من القصائد الرائعــــه
تقبلي مروري