ترددت كثيراً قبل وضع القصيدة بين أيديكم لأننا في الشهر الفضيل وبعد التفكير قررت أن أضعها وفي خاطري كلام كثير أقوله قبل القصيده ولكن لن أتكلم سأدع القصيدة تتكلم..لكم القصيدة.
أبشعل الشعار واطفي النور
..........تعال ياخريصي وطف الزقاره
أبشرك مرتاح والحال ميسور
........وأمة نبي الله مع أهل الصداره
لكّن في صدري طفح كل محظور
.........والعلم زود في خفوقي حراره
اعلامنا زائف ومرات مغرور
....والخافي أعظم وش ورا هالستاره
المجتمع قائم على النهب والزور
......وحضارة الأعراب أمحق حضاره
الناس مشغوله مع مشكلة نور
.........ولميس كل ليله تسوي دعاره
يعني بلا ما نقوم ونلف وندور
........بعض العرب وده تولع شراره
كاتب يجسد موقف أنسان مشهور
............يثير به فتنه ويجلب معاره
وأبشرك بطيورنا نقوة طيور
........من طيبهم شفهم يعشون حاره
هدايف ومشوا مع حاقد الدور
.......عساك يالضابط ضبطت الخفاره
تجمعوا مصبن وهتلي وطرطور
.......وصفق لهم منهو يعشق الأثاره
نبيع ذمتنا ونشهد على زور
.......ماهي طبوع الشمري ياخساره
كل شارب يطغى ولايسمع الشور
.........له المقص وينطرد من دياره
من عاش بالحيله قضى العمر مكسور
.......واللي يحقر الناس زاد أحتقاره
ومادام دعوتنا قلايص وطرطور
..........مافيه داعي نستمر بالأثاره
..تجمعوا مصبن وهتلي وطرطور..!!
العرض العادي
