السلام عليكم ورحمه الله وبركاته
هاذا قصيده لشاعر : محمد بن صنهات بن عتيق العتيبي
يمدح به ( شمر )
يقول:
حيه طنين الهاتف اللـي بـه عـلان "
" مكتـوب بالشاشـه لديكـم رسايـل
فكيتهـا وليـا زبــاد ٍوريـحـان "
" مضمونها نبـض القلـوب المثايـل
حمـود مرسلهـا بترتيـب وتقـان "
" يشرح ونا في ضامري لـه دلايـل
يقول فيها الوقـت غربـه وعنـوان "
" والعمر طرقه والتجـارب رحايـل
وحنا اثين اخوان واكثر من اخـوان "
" لـو ماتجمعنـا عـروق وسـلايـل
ومرات ربي يرزقك خـوت انسـان "
" واحد ويسوى فـي عيونـك قبايـل
بيتين للكن ثـورة الصـدر بركـان "
" اعرف مقامي عنـد ذخـر القبايـل
أي والله اني فيك افاخـر وكسبـان "
" ياكبـر حـبٍ فـي حنايـاي شايـل
فاللي سوات احمود ماني بخسـران "
" عشير طيب وكـل عرفـه جمايـل
دايـم جنابـه للمساييـر فـرحـان "
" اليـوم وقـت اليـوم مثلـه قلايـل
حلو نبـاه ولاتجـي زلـت لسـان "
" دايـم جديـد لصـديـق الهـلايـل
ليا طالت الرفقـه تجـدد كحيـلان "
" ماهـو خمـام العلـوم المعامـيـل
خويه ابو ماجد علـى كـل نيشـان "
" انا اشهد انه عنـدي مـن الاوايـل
وجـه سخـي وده يشلـك بلامتـان "
" وودك تنـو ولـه عيونتـك نوايـل
وخاوية من ربعه مشاكيـل طنيـان "
" روس القروم وماحوت من صمايـل
مثل المسمى صاحبي بـن رشيـدان "
" وابو جهز شلاح ضـاف الخصايـل
ياطيبهـم ياليـت الاثنيـن جيـران "
" النا يابو ماجد تـرى العمـر زايـل
ولو المـراد الشعـر فالـرد بيتـان "
" لكـن معناهـن جزيـل الجـزايـل
للطيبيـن بمهجتـي صـرح بنيـان "
" احبهـم ورجـي هطـول المخايـل
وجت لي على ماقيـل فكـه لبيبـان "
" تفضلوا شـوف وش القلـب شايـل
نحبكـم حبـاٍ تخـلـده الازمــان "
" ياهل العقال اللي على الراس مايـل
ونشوف حب قلوبكم شوف الاعيـان "
" النـا وتـزداد المحـبـه شمـايـل
حنـا هـل الهيـلا لياقيـل عتبـان "
" وانتم طنايا المـوت والعـزم طايـل
وحنا اشهرينٍ من ورى الحول مزبان "
" دخيلنـا نلطـم عنـه كـل عـايـل
وانتم اليا دارة رحـى كـل ميـدان "
" الله يكـافـي شـركـم بالنـزايـل
وحنا مدله الخوي أعـن الاحـزان "
" خوينـا وارقابـنـا لــه عـدايـل
وانتم على ماقيل خطـوان الآيمـان "
" خطـلان الايـدي ميبسيـن البلايـل
وحنا ليـا ثـور عجـاج اودخـان "
" نطعن لعيـن اللـي تهـل الجدايـل
وانتم ليا طـن الطلـب كـل ديـان "
" مـا تنثنـون الابقـلـع الاصـايـل
وحنا هل الفزعـة منـول اليـا الان "
" ناخذ من أ قسوم الفـزوع الجلايـل
وانتـم مصخـرة القبايـل للاذعـان "
" اخذتـوا الجزيـه بقـوة زحـايـل
من فعلكـم يامخزيـة كـل شيطـان "
" رجحتوا الوزنـه ليـا كـل كايـل
هذه كـلام الصـدق مافيـه بهتـان "
" ومن ينكره يصبح عن اصدق عايـل
والعز للي ثبتـوا خمـس الاركـان "
" عزوة هل العوجاء كمـال الكمايـل
اللي سعوا بيديـن والعـدل ميـزان "
" من عقب ماهيب بين صايل وجايـل
ولاهوب بخـسٍ فالقبايـل ونقصـان "
" لالا وربـي لكـن الآمـر هـايـل
نحبكـم يامذهلـة كــل عمـسـان "
" جاين لوقـع القـاع تحتـه فعايـل
صحيح جايـن بيننـا عـدة اكـوان "
" والـدم بيـن جدودنـا قبـل سايـل
لكـن والله ثـم والله لكـم شــان "
" شـأن تـعـلا لنـجـوم القـوايـل
ياما قضعتوا فالملاقى من احصـان "
" وياماستر في ضفكـم مـن عوايـل
وياما أندلق سمن الكرامـة ابـرزان "
" يصيح أجا وتصيح للضيـف حايـل
عان العليم اللي اليا اقبلت الـه بـان "
" وسط النفود ابا انشـده كيـف قايـل
تلقـا جنوبيـه بنـي فيـه ديــوان "
" للضيف لو ماحولـه الـزول زايـل
اقلط وتلقـى اربـع دلال رسـلان "
" ومكمـلات مـن جميـع الوسايـل
زرع اليمن والهيل به عـدة الـوان "
" أمكمـل الحسيـة وفرشـه زلايـل
اقلط معزب ضيف وش قلت يفـلان "
" وشوي واليا مجلس الضيف ضايـل
جوك الرمال وكلن اقسـم بالايمـان "
" وطاح العشاء والدول جالـه دوايـل
لو جيت اطيع القاف ريض بقيفـان "
" مـاوالله اوفـي حقهـم بالمثـايـل
نبا السوالـف تـدرج درج ربحـان "
" نلقا مـع الضـار ربـح او شهايـل
زياحاتم الطائي ترى ذخرك أعيـان "
" مال القبايـل فـي كرمهـم مثايـل
يالله عسى شمـر تعـزه بالاوطـان "
" لايابعـد حيـي عـراب السـلايـل
أخوكم
{{ زين بدوي }}
.
يالله عسى شمـر تعـزه بالاوطـان " " " لايابعـد حيـي عـراب السـلايـل
العرض العادي
