بديت ذكر اللي علـى كـل غـلاّب=الواحـد المعبـود عـز الجـلالـي
ومن بعدها امدح عزيـز ٍ ولاغـاب=ليـث الرجـال بنخوتـه مايبالـي
ابمدحك ياشيـخ ومالـي بالاسبـاب=ولاوالله اقـدر يابعـيـد المنـالـي
مرحوم ياللي مالنـا عنـه مجنـاب=الصيرمي القـرم فـي كـل حالـي
عيسى ابن علي على الحـق طـلاّب=على النقاء والحلم وكسب المعالـي
ومن يزبنه بالكايده هي والانشـاب=مـارد مفلـس مركـزه بالتـوالـي
جدّه محمد راعـي السمـن صبّـاب=ويقلّط ضيوفـه علـى كـل غالـي
فيه افتخر عند البعيديـن الاجنـاب=وعند القريب وعنـد كـل الغوالـي
جدّي وخالي وافتخربـه بالانسـاب=ومن مثلهم تاج ٍ على الراس عالـي
اخوات خنساء باللقاء غوش الاطناب=وتشهدلهم حايـل بكسـب العلالـي
حكّام حايل من قديميـن الاصـلاب=وتبقى لهم ذكرى بـروس الرجالـي
وختامها صلوا على خيـر الاحبـاب=شفيعنا عنـد الولـي خيـر والـي
رثاء بالشيخ/ عيسى بن سعود آل علي رحمه الله رحمه واسعه