تفاعلا مع الاحداث :
غزه تنادي ياعرب وينكم وين=تصرخ بعالي الصوت محد يجيبه
وين العرب ياناس وين الملايين=غزه تعيش اليوم اكبر مصيبه
تكفون ياشعب العرب ياسلاطين=لبوا ندا ام ذبحها نحيبه
قدامها ماتوا اطفاله مساكين=ياشيب عينه يوم صاحت ياشيبه
وين الامم يابان* وين القوانين=منظمه تثبت سقوط وخيبه
مرت سنه معها سنوات وسنين=محد يرد الحق محد يجيبه
لجنه ورى لجنه وضاعت فلسطين=ارض خذوها ياجماعه غصيبه
بلفور ووعوده الى وقتنا الحين=والقدس محتلة وعاشت سليبه
وش ننتظر دام الجسد به طواعين=الموت واحد والشهاده طليبه
يكفي نعيش الذل وشعاد بعدين=يكفي خلاص الحال صارت صعيبه
مايرتضي بالذل الا الضعيفين=والعار كل العار للي رضيبه
اما نعيش بعز عيشة كريمين=والابلاها من حياة معيبه
بان \\ هو بان كي مون رئيس هيئة الامم المتحده