السلام عليكم ورحمة الله وبركاته
أبيات قصيرة على بحر (الهجيني) الذي قل استخدامه عندي في أغراض الشعر
ولكن أتى معي في هذه الأبيات إلزاميا
تناقلت هواتفنا الجوالة في مساء يوم 26 رمضان ما قبل الماضي رسالة sms (أبيات شعرية) مصدرها كان مجهول في بداية الأمر وذلك أثناء عرض أحدى حلقات مسلسل "طاش ما طاش" والتي كانت في نظر شاعرها صورة مقلوبة (لقصة الشلقان) المعروفة و طبعا الابيات كانت للشاعر / سالم الثابتي الشمري ..يقول فيها
بشير ضحى به السدحان=اكل خويه بمشواره
رقم اربعه قرعة البلشان=يا ويل من طاح بأوزاره
عله ما هي خوة الشلقان= اللي على الكود صباره
و أتى ردي على هذه الابيات بعد معرفة أسم الشاعر
يا سالم الثابتي شتان = ما بين شوكه و نواره
هذا مسلسل قليل اثمان = وافعالنا حيل جباره
وش عاد لو يذبح السدحان = بشير ويشويه في ناره
مجيدع وقع وانكسر بلشان= والعلم وصلتكم اخباره
طيبه ماهو بس للشلقان = و قالوه شعار ويباره (1)
علم تفاخر به العربان = عبده و الاسلم و سنجاره
و قد قرأت في فترة سابقة أبيات للشاعر / نهار الويباري
كانت جميلة جدا و هي
المدح ما جيب بالمجان = اما كرم و ام بحسامي
طيبه مهي بس للشلقان = حنا لنا فيه مسهامي
كلٍ بنفسه مثل راكان = ولا العطاوي وبن لامي
وانا احمد ماني خسران = ان صار به عد وارقامي
بالشعر و لا على الميدان =وفي الكرم عندنا اكرامي
نتعب على الطيب والاحسان=نبغي مع الناس قدامي
ومن حج يبعث عن الغفران =ولا يبي وصل الارحامي
والحر ما يقبل النقصان = يا كود في موقع سامي
وان كان ماطار بالجنحان= ماتقر عينه و لا نامي
يا صار بين اربع الجدران= افضل حياته للاعدامي
و بالطبع قد جاريت هذه الابيات للشاعر الويباري
الطيب ينجاب بالذرعان=ما هو تمني بالاحلامي
و الحمدلله انا عطشان = للطيب دايم ترى ضامي
من لابتن اسمه الشلقان=اسمه ترى فعلها الدامي
وقت الحرايب نهار اكوان =لا صار به عج وكتامي
واللي بذر طيب مع احسان = يلقاه في تال الايامي
والطيب عند العرب نيشان=كلٍ يبي يصير له رامي
وبالدين حنا ترانا اخوان= في دولة العز الاسلامي
حكامها من قديم ازمان = كل القبايل لها حزامي
حامينها بالحدب شامان = والحمد له جالها زامي
من حد باحة ليا نجران = لحدود بغداد و الشامي