السلام عليكم ورحمة الله وبركاته
اخواني الكرام سوف اذكر لكم من بعض المواضيع وهجينيات عقيد من عقدأ شمر
المعروفين الذي صال وجال في غزواته في نجد وانحاء الجزيره
هو العقيد
(مناور بن زبيّل الشريّطي الاسلمي الشمري) ووالده زبيّل كان عقيداً ولهو صولا وجولات في زمنه
ومنخاته ( راعي الريشا )
وموضوعنا عن العقيد مناور الشريّطي
ولهو من الالقاب ( عاكوف : شرودٍ ورود: مطوي العزبات) وعزوته ( اخو نوير )
ســوف اتــحفكم بهجينياته بدون تفصيل الموضوع كامل
في احدى غزواته مع جماعته الجحيش من شمر انشد هذي الهجينيه بعد انتصارهم :
يا سعود لحقوا هل الملماس
======== يبون خـز الطمـع منـا
لحقوا على دكلة الافـراس
======= و ركابنـا دونهـن حنـا
ونخيت كسابت النومـاس
====== حلو بهـن وانجلـو عنـا
بتحويلتن تبرد الهوجـاس
====== يفـرح بـه الكـل منـا
لعيون غرون يغض الراس
====== مرشوشه الهيـل والحنـا
نشميتـن دونهـا لـولاس
====== لولاسهـا واحـدن مـنـا
وذكر ايضا هجينيه وهم آتين من غزوه اخرى لديارهم عندما رأى العقيد مناور الشريطي رجل يدعى حمود وعنده حلال يغنيه عن المغازي فأنشد مناور هجينيه يقول فيها
يانـاس لاواهنـي حمـود
======== الزيـن والشيـن ماشاقـه
ولا لاعب الجادل ام نهـود
======= و حـب الغناديـر ماذاقـه
ولا ساق ساقه مع المضهود
======= و لا عاهـد الله و لا باقـه
وفي احدى الغزوات بالنفود مع شمر بعد انتصارهم يقول الشريطي :
ياالله وانا احمدك يا ربي
===== فكيت حماية الساقه
يوم اشهب الملح ينكبي
===== سحابةٍ نثرت مابه
وفي احدى غزواته على مطير صار عندهم منيع مشاري بن بصيص وانشد مناور هجينيه يقول فيها
يا الله يا جايـب الماطـر
====== يا خالـق النـار والجنـه
يا مظهره من ورى الفاطر
====== يـوم المسابيـق ردنــه
عمر الفتى ال حسبته ناطر
======= لو كـل الادراك ياطنـه
والعفن لا ذل ما يخاطـر
======= يروف بعمره من الونـه
وفي احدى غزواته استقرقت شهر ونصف من سفوان الى نجران وعندما ردوا الى اديارهم كاسبين حلال انطحتهم امرأه من الاسلم وانشدت تقول
الهجن يشكن الحفـا
====== من يوم اخو نوير لفا
ومن القصايد التي قيلت فيه قصيدة نزيله الضويليه الشمريه واللي حصلت عليه ثلاث ابيات وهي اطول من ذالك وكان قد تزوجها وانجبت له بنته غيوض التى توفيت صغيره
الله يعز الاسلمي ذايـع الصيـت
======= المرجلـه كلـه تحوشـه احبالـه
مهو انت يا كوبان يا هادم البيـت
======= يا مخلص القشده ليـال العطالـه
يقود وجه اغيوض يا ركبو الجيش
======= ولا دق نجره ما يقولـه اغيالـه
وهذه قصة مروءة تبين كرم العرب وان كل منهم يحب ان يذكر بالجميل لأنه يبقي مايزول .
هذا عمّار بن عبدالله بن ذويب المسعودي الأسلمي الشمري . وهو فلاح بالكهفة البلدة المعروفة من بلدان حائل واستأجر سواني يسني عليها بعيش معين إذا حصد من مناور الشريطي من آل جحيش من الأسلم من شمّر . وايضا إستدان ما يحتاجه للزرع من واحد يدعي خلف المعاشي من آل مسعود كذلك .
وفي النهاية طاحت القليب قبل استواء الزرع ومات الزرع وذهب إلى المعزب وطلب منه المهلة لعل الله يرزقه ويوفيه فقال ابشر ان اللي عليك طايح هذه مصيبة وغصب عليك وايضا اعطاه فرده عيش وفردة تمر وحنا يعوضنا الله وإياك وبقي راعي السواني واركب له قصيدة مضمونه ان يمهله مثل الاول يقول :
ياراكب من فوق حمـرا فتاتـي
======= تكصم مصاليب الشـداد القويـه
حمرا واشباره كلهـن وافياتـي
======= مدهالها بيـن اللـوى وافجريـه
ومرباعها الصفرا بخشم اشطناتي
======== و مقطانها الشعبان مضي احمريه
واليا همزته تقـل فـرة قطـاتي
======= تدي غريب الدار لديـار حيـه
ركابها مضنون عينـي شفاتـي
====== قـرمٍ اليـا ودا الخبـر رد ليـه
نصّـه بيـوت بالبنـا بيناتـي
====== و مجالسٍ تعمـل بهـا الشاذليـه
اهـل ادلالٍ كلهـن مكرماتـي
======= ما منهم اللي ينطر شبـة خويـه
لا جيت وسط النزل فأرم العباتي
======= و أنخ البعيّـر كلهـم بالحميـة
ترهم يجونك مثل زمل الشراتي
======== اللي نهار الكـون تـرد المنيـة
لاصاح صياح بوسـط الفلاتـي
======= ركبّوا على قـب تلامـع حذيـة
في ساعـة ماحسبّـوا للحياتـي
====== يروون عطشان القنا من دميـه
قل من عقبكم كثرة لي الوارداتي
======= شطونٍ على قلبي تلولس رشيّـه
أشفيت أنا بالزرع و الزرع ماتي
======== من الضمأ و البير طاحت الزيـه
صويبهم ما يذوق لـذ الحياتـي
======== يرجح عليه الطيـر بالمهمهيـه
..
والقصيده اللي سمعته من كبار السن انه 24 بيت وانا هذ اللي حصلت عليه
وعندما سمعوا القصيدة وهم بالبر ركب راعي السواني مناور الشريطي وعندما الفى عليه قال طلبتك قال الزراع الطلبه لي قال الان عطن طلبتي وأنت بعدين لحيث أن العطا إذا نطقوا به يتمونه لو كان يأثر عليهم فقال الفلاح اعطيتك طلبتك قال ابيك تسمح لي ببعاريني واللي عليك مسامح فيه فقال مغيلث المسعودي من الأسلم كذلك و هو أمير البلد ما يصير لكم الطيب وحنا مالنا حق نحن نبي حقنا من المعروف اجمعوا عيش لـ راعي البعارين و لـ راعي الزرع فاصبحوا كلهم غانمين والمعروف تاّمٍ بينهم .
ومناور له من الغزوات واجد والقصايد التي قيلت فيه واجد وانا بحثت وهذا اللي حصلت عليه وانتم فيكم الخير والبركه عاد اللي عنده شيء لا يبخل علينا
وهذي القصيده للشاعر (شاقي الجهني) عندما ربعوا الجحيش ***جا وقد قالها يوم رحل العقيد مناور الشريّطي الى اشعاف العود للمغازي
فرحت انا من قيل لي مناور شـال
====== الحرصيـاد الحبـاري الجليلـه
يبي اشعاف العود يصافر و يجتال
====== عز العشايـر يالقلـوب الهبيلـه
كم سهلةٍ مشى بها باشهب الـلال
======= عدا عليهم مع شعيـب الخميلـه
جيّاب زينات الوصايف بالاهوال
======= شقحٍ زهـن اجنابهـن والفليلـه
ابن زبيّل شمعة القوش يا اعيال
======= احلا مـن ذوب العسـل للقبيلـه
هذا اللي حصلت عليه والقصيدة اطول من ذالك
منقووووووووووووووووووووووووووووووول
الشيخ /////// مناور بن زبيّل الشريّطى
العرض العادي
