بمناسبة تنازل حمود بن نايل بن طوعان السويدي عن ابن جاره فالح بن هذيل بن عمود الشمري

غسلت كبد الشمري يابن نايل --- الله يغسلك من جميع الذنوبي
رفعت روس اللي سكن طلع حايل --- للشمري توه يهب الهبوبي
بك نفتخر ياحمود بين القبايل --- والشعب يفخر فيك بين الشعوبي
حمولةٍ ياحمود نعم الحمايل --- ياحمود والله عن قبيله تنوبي
يفداك حواش الرداء والفشايل --- وجهك يشع ابيض ووجهه شحوبي
فعلك على طيبك صكوك ودلايل --- لو انت عنتر كان دمك يروبي
اللي جرى لك كايداتٍ جلايل --- مصايبٍ من معضمات الكروبي
ياحمود كسبك من خيار الحصايل --- رضى الولي هو خير كل الكسوبي
وجمالتك ياحمود ام الجمايل --- من خاطرك ماأنته عليها مغصوبي
وقبله تقول الجار ماله بدايل --- اللي بصوب الجار والله بصوبي
وكفلت جارك ياشريف الخصايل --- فكوه والا مار معه انهجوبي
وتقول مامن فرق بين العوايل --- وإن مافتحت الباب سكرت بوبي
اولاد صقرٍ ينطحون الهوايل --- طيب وكرم والخلق خلقٍ عجوبي


قصيده للشاعر الكبير / نواف بن نهير العلوي الشمري

 

 

 

 

 

 

 

 

 

 

حي الله محمد الرخيص

وتسلم على النقل المميز

لـ هذه القصيدة التي يسجل بها

موقف طوعان السويدي لـ يكون شاهد

اساسي على طيب الشمري

وصح لسان الشاعر المبدع

نواف بن نهير العلوي

دمت بخير

 

 

 

 

 

 

 

 

 

 

الله يخلف ماغدى ويجبر مصاب راعي الشيمه. هذا ألي فرق شمرعن باقي القبايل وصح لسان الشاعر

 

 

 

 

 

 

 

 

 

 

الشمريه المجهوله


الـلـه يحيًيك



التنازل كان يوم أمس السبت
والقصيده أيضآ صاغها شاعرنا في الأمس
فور سماعه الخبر
لتكون تسجيل موقف مشرّف


دمتم بخير

 

 

 

 

 

 

 

 

 

 

عمار السعدي


صدقت


أسعدني مروركـ

 

 

 

 

 

 

 

 

 

 

صح لسان شاعرها نواف الشمري
ويستاهل ابن نايل بيض الله وجه
على موقفه الطيب والاصيل
جزاه الله كل خير

والف الف شكر لك اخوي محمد الرخيص
على نقلك الكريم

 

 

 

 

 

 

 

 

 

 

جزاة الله خير هالشمري

ويستاهل هالقصيدة

وصح لسان الشاعر

 

 

 

 

 

 

 

 

 

 

الله يجبر مصيبتك يابن نايل ..

والله قولة ونعم قليله في حقك ياحمود اشهد بأن مافعلته تجاه جارك مايفعله أحد في هالزمان الا القله القليله ..

والف نعم من الطوعان وشمر عمووم

والله يبشرك بالخير يابن رخيص

وصح لسان نواف بن نهير

 

 

 

 

 

 

 

 

 

 

أنا أشهد أنه يستاهل النعم ابن نايل والف نعم




الحثربي

أسعدني مروركـ

 

 

 

 

 

 

 

 

 

 

عاشق نجد



أسعدني مروركـ