هذه القصيده عن الشيخ الامير / مشل بن سالم الطواله أمير الفوج التاسع والثلاثون جنوب المملكه العربيه السعوديه
وتحديداً في منطقة نجران ،
وهو الوحيد من شمر الموجود بالجنوب
له سمعه طيبه عند أهل نجران .
قائل هذه القصيده هو
للشاعر بن حفول عبد الله اليامي
[ قصتها ]
قد مر بن حفول اليامي من أمام بيت الشيخ مشل
ورأى الرجال والباب المشرع
فدفعه فضوله للدخول ليرى ماهو حال البيت
ولما دخل وجد الترحيب ويالله حيه كعادت الشيخ مشل
ووجد العلوم الغانمه وقال على اثر هذا قصيده جميله جدا بالأمير مشل بن طوالــه
قال اليامي :
في غفلة الحساد ناديت انا القاف
لبى الندا في صرخة احساس محزون
قلت احتضر عذب المعاني ولاهداف
وانص الشيوخ اللي على العز يطرون
تنصا هل الطولات زبن اللذي خاف
روس الرجال معقلة كل مجنون
ملفاك شيخ للمواجيب عراف
ابيه واجداده وربعـه يشيخون
أمير من عهد الخلايـف والاسلاف
ساس الاماره والمخاليق يـدرون
مشل سديد الـراي شهـم ومضياف
كريـم سبلا يمه الركب ينصون
ابو محمد نايـف وابن نواف
ابن طواله شبه قصر له حصون
قصر الذرى بسمان الايام وعجاف
وملجا لمن هم جاير الحمل يشكون
حلال عقده من هواجيسه اضعاف
ويروح من عنده سعيد وممنون
كم جاه شاكي حاجة بين الاكتاف
يفداه منهم لو قضوها يممنون
المدح يا ساس العوايد له اصناف
انتم بها عن ساير الناس تدرون
والمال دون المدح والروح تنعـاف
بعد الرضا من خالق النفس والكون
ذا طبعنا يـاأمير والطبع ينشاف
عن يام اترجم صورة لك يحملون
صورة وفاء والصمت عن وصفها طاف
وفيك المشاعر بحيث كل مكنون
فالعذرياصقر بدا راس مشراف
يا فخر قاف جالك وافـي وموزون
متمكن راعيه مابه تكلاف
وقول على فعل له الناس يصغون
ماقالها عن يــام جاهل وخواف
بل قالها اللي لابته مايهابون
قبيلته ممن لهم سلم واعراف
من سعد ابن غوث بزياد يعودون
من يام ابن يصبا مصلين الاطراف
لما احتمى حوض المنايـا يعلون
عرفت للقاري ومن يسمع القاف
حتى يكون الهرج واضح ومصيون
حق المعرفه واجب فيـه الانصاف
وهذا مـن ابسط واجب تستحقون
يامير عجز القاف لو ضفت ينضاف
وعن فعلكم ابيات شعري يعجزون
لو الكرم حـي وله راس واطراف
ابن طواله للكرم راس وعيون
وان كان جم دونه الجرف هياف
يـارد مشل ويعل قـدام يـردون
وان كان صيد سكته شوكها حاف
شروا مشل يرقى على الصيد بالهون
ولو الوفا سد عجز عنـه مـن طـاف
فالسل مشل ولابتـه جسر وركون
ولو كان هو شقرا عصت كل عساف
في قبضته عوص الاصايل يطيعون
والصدق لو يشهر على قوله رهاف
عادات مثله للعوايد يصونون
مهما وصفت وقلت يبقى لك اوصاف
كل المجالات الرفيعه ترودون
الباب من طيبك مشرع بالأرداف
والمجلس اللي ماضيوفه يملّون
مجلس شرف يلقى بـه البارد لحاف
ويلقى به الطرقي رجال ٍ يهلون
والعود الازرق من على الحي طواف
عطر بيـوت الحـي واللي يمرون
هيف السمين وينثنـي عند الانكاف
عز الصديـق وللعدى سم وطعون
له لابــــــــــه حربها ذاق الاتلاف
شمّر على روس المناوي يدوسون
ضرب العدا ماردهم عنه اسراف
فيما مضى واليوم بالحق يمـشون
لو يجتمع شعـري ملايين والاف
ياصف غلاكم عندنا مايكفون
وصلات ربي عد من حج ثم طاف
على النبي المختار ياللي تصلون
.