طلب الشيخ مبارك الصباح من الشاعر حمود البدر ان ينظم قصيده طويله
قبل حدوث معركة الصريف ،،
فـ وافق الشاعر حمود البدر ،، وانظم هذه القصيده
قال :
يا راكبين اكوار ست تبارى=فج النحور أفحاز ما بين الأزوار
قطم الفخوذ معلكمات الفقارى=كوم على كيم من القفر ضمار
جن من شرار و من ضاريب شرارى=عوض الضا العيرات ما جن بحوار
فتل العضا دار العصا لا تجارى=قطع الريادي ريد حسكات الأوبار
زرفالهن بين الجري و الطيارى=لولا اللواحي عانقن قط الأطيار
مثل النعام ان ذير ثم استدارى=وجه على فج يبي منه معبار
ما أحلى مدناهن لهن استكارى=الواقي الله يوم حسن بميثار
من روضة التنهات صبح النهارى=سجوا عليهن يا مساويط الأخطار
الى انتحيتوا و الظلال استدارى=مقيال يا ذربين الأيمان مقدار
توليم بن حاكم به بهارى=ماجوب فن الشاذلي حين يندار
زيحوا معشاهن و سجوا سهارى=غب السرى يلفن بكم دار من دار
ريف الضيوف و دار سترالعذارى=عبدالعزيز الشمري سر و جهار
تلقون زي زاهي و اعتبارى=كار لخو نورة و حنا لنا كار
ان سال عنا في جنان تجارى=ما همنا كيل المشارع و الأشعار
في عشب خد زايف بالخضارى=في روضة التنهات و بنو مثوار
مسناد ما يطري عليه انحدارى=مع رادة المعبود عواد الأطوار
قولوا وصات محمد بالقرارى=نسيتها سجيت يا عمس الأبصار
ناهيك عن طامي عزير بحارى=يوم هدى الطوفان طياش الأبحار
ما أنذرك عن ثورة قوي المثارى=اللي الى من ثارتهتز الأقطار
تيار فوار الخطر ينتدارى=مير انت ما انت بيم حسنات الأشوار
أغواك ميشوم شعب لك و نارى=ما ظن أبو ماجد رضا منك ما صار
يدني لك الجرناس و انت توارى=عندك خبر داري بها الجد و الجار
طاوعت من لا باع معكم و شارى=و ما طعت من له راي عدل و تدبار
مرحوم يا من زارنا و استخارى=و أعذرو عاف من السهم وابدى الأعذار
من شيدوا برزان حايل قفارى=قلبك تراهم قطعوا دشن الأكوار
مسرد حكي مسرهد مستشارى=ما أهبلك يا من لا تميز بالأشوار
العبد له بالشايتين اختيارى=والله فينا ما يريدة و يختار
من لا يجير أحد فلا هو مجارى=جر السبب يلوى لدورات الأقدار
صفوة صباح التغلبي ما يمارى=ولا ينتجارى لا وعلام الأسرار
مقدامنا نمر وربة أنمارى=كم بذت الحكام شكوات الأشرار
لولب قفول مغلقات عسارى=فاروع في من هامته زور و أسطار
من سير القطبين بالله و سارى=و جا له من القبلة مواثيق و أخبار
يطول هرجي و أٌصرة باختصارى=يجيك مثل السيل طمام الوعار
زيزومنا و خلاف جند و نارى=مجعد صفا العايل حجا الدار و الجار
مبارك اللي بناظرة و ان تمارى=طير السعد في مقرنة وين ما دار
لولا علينا يجهلون الأمارى=منا ولنا من هواديم الأعمار
انم حرارى من مواكر حرارى=و حنا عليكم من صواريم سنجار
و ان كنكم شرهين و بكم نزارى=حنا بنا للضد و الشر مسمار
علوى مع ايمنا و ياما يسارى=و ان كنت كره أشرب قراطيع الأمرار
علوى اللي دق الكبوس استدارى=أهل الشرا و البيع في الموسم الحار
و يا من مثورة الجمل بالغبارى=انحاز الضديد ا كان سو الدهر ثار
مضحين والله مرخصين العمارى=في شان عز الدار شاكوم الأشرار
ربع لهم بالموجات اصطبارى=كان لمحاجب طابقن بطن الأزوار
فيه الشهر بين الحمر و الصفارى=يشدى زهر نوار مرجوع الأقفار
حيذور يا غب السرايا حذارى=شوكة شباب الحرب حالة تمستار
عده نصاك وكالفات الدهارى=امات نصف خشاب و طوال و قصار
و مسيلنات الموزري صنع دارى=ظرفات صنع اللندني بدفع و قرار
و جنس يجينا من بلاد النصارى=ما هن وراور و اسمهن لولب النار
دفع يثور و ضربنا بالقرار=و خيرك تشوف افعال عطبين الأذكار
تم الجواب بختم رتب الخيارى=ازكى صلاة الله خير الأبرار
وهنا نلاحظ ان حمود البدر جهّز النصر لجيش مبارك الصباح
قبل حدوث المعركة ،،
رد على قصيدة البدر الشاعر الكبير سليمان ابن جمهور
بنفس الوزن والقافيه وبـ 80 بيت قوي جداً ،،
قال ابن جمهور يرد على البدر :
ينحد به جاشي به الفكر حـــــــــارا=محتار مدري كيف تندار الأقـــــــدار
واحترت انا ومضاجعي للعـــــــذارا=لكن ينعى كومة القلب مسمــــــــــار
قبل البشير محيسن مع نهــــــــارا=الربع قسمين بهم بادر وحـــــــــــار
احدن يقول الحكـم يا نـــــــاس دارا=لأبن صباح اللي ولى بر وبحـــــــار
واحدن نذر واحدن حلف بالجــوارا=ما صار مثله بالجزيرة والاقـطـــــار
واحدن صعد بالمدح راس المنـــارا=مبارك لولا الحيا يا ملا طـــــــــــــار
انذار خماله ومـدحـــه خســـــــــارا=أصبح وظنه ما بلغ عشر معشـــــار
الحمد للي دبر امره وصــــــــــــارا=المطلع عالم خفيات الأســــــــــــرار
ينصر ويجبر والكسر والجبـــــــارا=بيد المولى قهّار دمار الأعـمــــــــار
وخلاف ذا ياراكبين البكـــــــــــــارا=عيرات من ذروات حصات الأوبـــار
خمسن وخمس عيونهن كالســوارا=مافوقهن غير السفايف والاكـــــوار
سمحات الأدمي نابيات الفقــــــــارا=عوص النضا من نسل ذروات عتار
خوص الخواصل ما مشن بالحوارا=محونيات مثل الاقواس ضمّـــــــــار
من جاء لدار خيار ما بالديـــــــــارا=أهل الزبير اكرام واجواد واخيـــــار
ما ينوجد هتمان فيهم مصـــــــــارا=اخص الـعـدو الى هـو قــاري ازوار
أولاد نـجــد بالـفـخـر والمـمـــــــارا=بالـطـيـب والا بالـردا مالهـم كــــــار
يا راكبين سيرو نهار جهـــــــــــارا=على عـيــون لـولـو بالاكـــــــــــوار
من الحزم عقب الحزم سيرو يسارا=خلوا حسن بصري يمين عن الــدار
يا راكبين هـيا الـحــذر والحـــــذارا=اليوم يومن تقيمون خـطــــــــــــــار
ارخوا لهن الخطـم ليــل ونهــــــارا=حتى تجون حمود بالدار محـتــــــار
اطروه مني بالتحـيـة وقـــــــــــــارا=لا جاء ليل او سطع نور الانــــــوار
خوذوا له الخاطر وقولوا مجارا=ماجور يا مكسور من غير جـبـــــــــــار
من عقب ما قيلك عليك المــدارا=كيف انت مع ربعك على ظفة النــــــــار
يا حمود من قبلك يجي له أمـارا=يمدح ويقدح والفعل ما بعد صـــــــــــار
قولك ومكرك يابن ناصر كبــارا=أخطيت يا عمس البصيرة بالأفكــــــــار
الكيف تبني لك من الكـــذب دارا=وتشيّد المبنى على درب الأخطــــــــــار
يا عاد من الملتجي به قــــــرارا=ذبح ابو من دق بجداره احجــــــــــــــار
مبنى بنيته صار ساسه عيــــارا=ساس على الشاطي شفى جرف وانهار
الكذب له شومن ولومن وعــارا=تقول حنا من صواريم سنجـــــــــــــــار
عيال الحرار مثل أباها حــــرارا=بعض الطيور لا يغرك ولو طـــــــــــــار
وان كنت واعي فأنتبه لا تــوارا=هيهات من درهم يشابه لديـنـــــــــــــار
المدح ما يطول يدين قـصـــــارا=ايضا ولا يقصر طويلين الأشـبــــــــــار
تمدح مبارك يا عشير السكـارى=قبل الفعل لو كان محلا وتعـبـــــــــــــار
حنا لمدحه ما نقوله جهــــــــارا=الا بفعل يا ابن ناصر وتعبـــــــــــــــــار
ما صار مثل الضيغمي لا تــوارا=أقفى على عين المعادي بالأدبـــــــــــار
لا بد له من دورتن وافـتـــــرارا=مركيب تفتر وعيون واسبـــــــــــــــــار
وليا التقى معه السباياا وســـارا=تشبه لهذيك الهوادر والامصـــــــــــــار
حالوا ولا زالوا وجالوا حــــذارا=هدوا ولا ردوا لك الله عن الحـــــــــــار
هذا فعل سكان حــايـل قـفـــــارا=خذك بهم ما كملوا دشن الاكـــــــــــوار
من ضربهم دور قوي المثـــارا=خلوه يرضي عقب ما كان هــــــــــــدار
من قبل ما يدعى امير الأمــــارا=والناس بأمره البراري والأبحـــــــــــار
اليوم دخلوا والمناور نصـــــارا=اللي براسك طاح لزوم بسطــــــــــــــار
اللي خلا وجهك سواد وسمــارا=حيثك خبير وداري مير مـكـــــــــــــــار
الكيف لأسرار المغيب تمــــــارا=يا حمود ليه بناك ماهي مسخــــــــــــار
يا صار مالك بالعلوم انتظـــــارا=ولا خذت من مختار الاخوار تخيـــــــار
تخوض ببحور تلاطم غــــــزارا=بأمر الولي تندار با قبال وادبــــــــــــار
يضع ويرفع ثم يسمع ويـــــــارا=دبـر بدوليـبـن بالاقـدار تــنــــــــــــــدار
بنيت لك رجمن بليا انتظـــــــارا=حكمت ربعك بالحكايا و الأشعـــــــــــار
الحكم ماهو بالبنا والممــــــــــارا=ايضا ولا بـطـهـبـلــه تاخـذ الـثـــــــار
يا حمود سرتو من بلدكم بطـــارا=رميتوا بأنفسكم لحكم وتعبـــــــــــــار
سرتو وصرتو بالاماني امــــــارا=طابة لكم قطع الفيافي والاقـفـــــــــار
يقوم بها مغصوب ولا مكـــــــارا=ما بين بحري والحضر وأهل الأهوار
قومن بأهلها يا ابن ناصر حجارا=قبل الملاقى تحسب القوم لـــــــــــدار
غرتكم المدة ليالي ونهـــــــــــارا=حتى انتهت مدات وانفاس وأعمــــار
يومن بالتنهاة ترعى خضـــــــارا=ومربعن تقطف زماريد الأزهـــــــــار
الحر خطون نوب يخطي الحبـارا=والضأن ترتع دام سرحان ما ثـــــــار
يا حمود وين اجنانك اللي تجـارا=خلك بها تروي شجرها والأثمــــــــار
أصبح ماها غايرن ثم غـــــــــارا=قبل المسى غارت وشبة بها ثــــــــار
تقول ما يطري علينا انحــــــدارا=تبون حــايـــل مع قـــفـــار لكــــم دار
خاب الرجاء فيكم وصرتو اسـارا=احدن دفن واحدن معشى للأطيــــــار
ابرابها دار الفلك واستــــــــــدارا=هــب الـــولام وداركــــــــم دور زوار
بين الصريف وبين هاك الزبــارا=حقك ولا فــقدتـكـم عـيـن ديـــــــــــار
قومن ربو بالحرب ماهم بحجـارا=ملاحة دشن المعاني والاكـــــــــــوار
قومن لها عز ونصر وتبــــــــارا=يا عل عزه بالجزيرة و الامصــــــــار
قومن لها مني سلام وقــــــــــارا=جميعهم ما بين شــايـب وصـغـــــــار
وأتى الرد من الامير الشاعر حمود العبيد الرشيد
حيث قال :
يا راكب حمرا بعيد مدارى=مامونة ما شدها كل شعار
تشدى لبنت القفش عجل مثارى=لي مدها طفق النظر و الحق و النار
تطوى مسير الحول بس بنهارى=و الصبح عند مبارك تبدي أسرار
دبها دهوم جرها يوم سارى=تشبه عراقيب الدبا غب ما سار
جونا و جيناهم براس الزبارى=بمجوزلات حسها بيننا ثار
وأتى الرد ايضاً من الشاعر ابن روسان الشميلي
حيث قال :
ياراكبٍ من فوق عشرٍ خيـارا=ما فوقهــن إلا المزاهب والأكــوار
مـداً من المنعـور بـأول نهـــارا=وممراحهن عند اللي على السيف حكـار
يابن بـدر يعل حظـك ثبـارا=يلي تقول القـول والفعـل ماصـار
بالقيـل تذكـر لي طيورٍ وكــارا=من قبـل ذكرك ماسمعنا لهـا أذكـار
لابة مبارك جمعه بالخســارا=ومجمعه ما بين حايــك وعطـــار
ياويلهـم من هيلعٍ يوم طـارا=اللي سكن بـرزان في سبعـة أظهـار
غوش الطنايا مرخصين العمـارا=العصـر مركاض الغلاميـن ما صـار
وش عاد لو جبتوا سلاح النصارا=خذوهن العيّيــل منكــم بالأدبـــار
قصيدة شاعر الكويت ( حمود البدر ) قبل الصريف ،، والرد القاسي .....!!
العرض العادي
