اجمل وعد واحلا لقا يوم الاثنين = في جنب نهر النيل في ظل شجره
جتني ومعها طيب مسك ورياحين= مدري تجر الغي مدري يجره
قال السلام وقلت اهلا وسهلين = عروس نهر النيل في مصر ضره
قال تعرفني قلت وصف المحبين= لو تسئلين النيل يعطيك سره
من كثر ما جرب وشاف القديمين= الله يعز النيل وايدوم نهره
قال انت شاعر قلت انا العلم بعدين= اجلس وشيل الخوف والهم مره
لا تسئليني من انا فين وامنين = انا الغريب وذقت حلوه ومره
انا اسير النيل ضمن المساجين = وانتي بشر نصفين روح(ن)بدره
بيديك مفتاح السجن لو تعفين= اطلق قيودي يحور العين فتره
ورجعني لسجنك وعذب وجازين= ما ظاع عمر اللي معك عاف عمره
معها جلس جنبي زعيم الشياطين= ما ظل في راسي من العقل ذره
رهن الاشاره قادته مستعدين = يا ويل منهو منهم يخالف امره
يهمس باءذني شم ورد البساتين= والله عطانا طول صبري وصبره
الله عطاه العقل والبخل والزين = سبحان من صور وكمل صوره
بعيونها سيف الهلالي بحدين = حد الغرام وحد انا ذقت شره
كن الحواجب شكلهن رسم قوسين= في يد رسام(ن)بريشه يجره
واليا هرج كنه يلحن تلاحين = وكن الدرر بين الشفايف مقره
واليا ابتسم كنه يوزع ملايين= كيف البرد ما ذاب من حر جمره
قال انت ما شي قلت له بعد يومين= تجري بي الايام برده وحره
وانتي معى الايام والبعد تنسين = وانا اتركيني للسهر والمضره
قال الوعد قلت الوعد لوتحبين = انتي وانا نصعد لنجم المجره
نبعد عن اهل الكذب والحسد والشين= اختار لك كوكب ونسكن ديره
قال العهد قلت العهد عشرة سنين = ونطال عمري ابشر بزود عشره
حتى يتعدى العمر خمسه وستين = ما بعد هذا العمر موعد وسفره
قال الوداع وهل دمعه من العين = والارض فرتبي ثمانين فره
شلي جرى قلت العفو وش تقولين= ما عاد اميز بين عبره وحسره
هذا وهو يمشي بجنبي يبارين = ضاقت بي الدنيا الوسيعه وبره
واقفا وهو يمشي وياقف يراعين= حسيت نهر النيل تقشاه قبره
عنوانها ما هي بحاجة عناوين = شمس الضحا من يجهله من يقره
معها جلس جنبي زعيم الشياطين
العرض العادي
