قصيـــدة بالشيـــخ / مشل التميـــاط ... ( رحمه الله ) ...

الشيخ / مشل التمياط (( أخو شاهه )) . شيخ التومان من سنجارة .
شخصية غنيه عن التعريف ، ومعروف للغريب قبل القريب .. رحمه الله .


قال الشاعر سعيد الفهيد
هذه القصيده قبل وفاة الشيخ مشل :

عود ٍ برفحاء ودّنـا فـي وجاهـه=الله يمهـل لـه بالأيـام ويـزيـد
ويكفيه وقـت باديـا فيـه عاهـه=بدا بابن ضاري وسالـم ومرعيـد
ياحيف كبر السن ضام أخو شاهـه=الليث أبو زقـام شيـخ المساعيـد
مقدم ذرا السكتان حامـي مياهـه=لوكان ماحطـوا ركايـا ولا غيـد
يقفي لـ/ شمر يـوم للشـط ناهـه=لأضداد شمر يقضبـون المراصيـد
وماصال خصـم نوخـوا باتجاهـه=يكتب لهم مقحم وضيـدان تعميـد
وحتى القصير اللي يدرج شياهـه=يسقونهـن در البكـر المصاعيـد
ولوهم ورا صحرا الحويقة ولاهـه=يجون مثل المزن نـزر الرواعيـد
يوم أن ظفـرة صوتـت بالمتاهـه=لأهل العنـان وناقليـن البواريـد
فرحـة بجيـّـت مسلـط وأنتباهـه=تجفل عنه خيل المعادي تقل صيـد
وفرح شعيب العش وقبلي رداهـه=وجبال سرا وما حوى الجفر تسنيد
على صفيراء الخلف وغربي جلاهه=من ناظرة يسمع حنيـن المفاريـد
شبع بها راع الذكـا فـي دواهـه=صوته جذب خلج تراثع مـع البيـد
شبع الذكي هو والبليـد الفهاهـه=والخيل عن وجه الطنايـا عراجيـد
والشيخ ماخلـّوه فتـرت نقاهـه=وأبوه يشمت به مبيريـك ورشيـد
صدوا عيا اللي تاه وأريـاه باهـه=يبي يبـدل جبـل رمـان بمشيـد
دونه صيارم طئ تبـرز جباهـه=من دور بقـاره وجربـاه ووتيـد
ومسلط وعدوان السطر والنزاهـه=وأبو طلال الشيخ وحمـود وعبيـد
لهم فـوارس نجد تشهـد شفاهـه=بأشعارهم نفـي التهـم والتقاليـد
ومن راح حنا بحاجة القدر جاهـه=كم حلّلوا قالـوا وفكـو مقاييـد
قالات نزهه عن دروب السفاهـه=رفع الضرر عن ظلم بعض الأجاويد
والحمـدلله ماعليـنـا كـراهـه=الا عن ابو زقام نحـف التناشيـد
ولنا العوض في من يحل أشتباهـه=مادام ليث الغـاب خلّـف صناديـد

.
.
.
.
رحمه الله
.

 

 

 

 

 

 

 

 

 

 

رحمه الله واسكنه فسيح جناته

 

 

 

 

 

 

 

 

 

 

رحمه الله وادخله فسيح جناته

بيض الله وجهك