اقتباس:
المشاركة الأصلية كتبت بواسطة تيمورلنك
هذا ما كتبته عن الشيخ هذال العواصي
سالفة الشيخ هذال العاصي ابو ظاهر مع مران الوليغي رحمة الله عليهم
فيها من العبرة الكثير
ففي احد السنوات العجاف احتاج أبو ظاهر للمال كونه مدهل ويجيه القاصي والداني وتخير شوفاته وقام وارسل نواف على احد الناس الي مسويبهم جمالة ما بعدها جماله وقاله تروح تجيب منه فلوس دين للحصاد
وعندما ذهب نواف رده ذلك الشخص رحمه الله عليه ولم يعطه شي ورجع نواف واخبر ابو خوام بالسالفة وتكدر خاطر هذال حيل
فقاله نواف انت هقيت بشخص وخلن انا اهقا بشخص واروح له اطلبه قال هذال منهو قال نواف انا هاقي بمران الوليغي
فرد له هذال امس وانا طارده من المجلس والله ما يدينك
قال نواف خل اجرب وراح نواف وشرح لمران السالفة وقاله هذال ما عنده الي يعشي ضيوفه
ونبي فزعتك بدينينه للحصاد
ورد عليه مران وقال انت روح وانا الحقك بكرى ورجع نواف واخبر هذال بكلام مران فقال هذال آو والله فلا يجيك بعد سنة بعد الي سويته به
وقام مران وشحن حلاله باليل على القامشلي وباعه كله
وجاب لهذال 25000 ليرة بهكا الوقت لافهن بغتره بيضاء يسون 1000000 او اكثر
يحلف نواف انه يوم جابهن غورقن عيون هذال قال يا مران وش خابر مني تبيع حلالك على شاني وانا امس طاردك من الربعة قال يهذال والله ما يسولفن على مغازلهن ان هذال ما عشى ضيوفه وحنا موجودين
وبعد كم شهر ويجي الموسم وتفضى خلق الله ويقوم هذال ويرد فلوس مران
هذي والله الحميا الي ترفع الراس وهذولاء هم شيبانا
|
الاخ تيمورلنك
على الرقم من جزالت مالاح لي من نادر مشاركاتك الا اني اعجب لايرادك هذه القصه التي لاتحوي علي اي شي مفيد
بعد ان طرده من الربعه اي من المجلس ذهب يطلب وده بالتضحيه بغالي حلاله هذا هو الوليغي انت اول من يعرف ويعلم اهميت وما تنطوي عليه من خطوره طرد الرجل من مجلس الرجال ونفيه وانت تتحدث بها وكانها شي طبيعي وغايه في البساطه انها الذل والهوان بكل ماتعنيه الكلمه ومع ان الشمري لايقبل الذل وعلا مااعتقد ان عايلت الوليغي عايله معروفه ليس بالردى ولكن بالطيب مع انني لااعرفها حق المعرفه ولا اعرف هذال هذا المتعسف المتغطرس المهم ان هذه القصه ليس من الضروري ايرادها ونشرها على الملا احتراما وتقديرا لاسم الشخص المعني والذي ورد في المضمون انه تعرض لاشد واقسى انواع الاهانه والتحقير على يد هذال وخصوصا وانك لم تورد اسباب طرده ونفيه والمعروف عن الشمري انه لايقبل الحقران في اسوا الاحوال ابدا