هذي اول مشاركة لي في هذا المنتدى الشامخ
والذي يحمل اسم قبيلة عريقة في الجزيرة العربية وشكر خاص للقائمين على هذا المنتدى
وهذه قصيدة للشيخ ضاري بن مشعان الفيصل الجربا بعد الموقف الذي حصل لي مع الشيخ
وكان موقف مشرف وفي نفس الوقت حصل لي الشرف اني اتعرف على رجل مثل الشيخ ضاري
الذي معرفته مكسب وفخر واعتزاز ومهما قلت في هذا الرجل لن اوفيه حقه
يا ضاري الجربا علومك رفيعات=لك في سنام المجد صوله وجوله
اسمك تعلّى لين حد المجرات=وأكيد المراجل ماتجي بالسهوله
يسعى لها من هو يروم الطويلات=والكايدات تصير عنده خجوله
ذكره ينومس من يعد الروايات=تنصت له شيوخ وقبائل ودوله
كنه سفيـر المملكة بالولايات=كل الصحافة والمحطات حوله
والموقف اللي صار عند الجوازات=في دولة الأردن محطة وصوله
يحسب لضاري شيخً قد المهمات=في حضرته كل الأمور محلوله
يفداه من همه بجمع الريالات=ولا يجيك إلا يدور عموله
عادات للجربان من منبع الذات=رجالهم دايم تشرف فعوله
هم فخر شمر كاسبين الجمالات=من عاد هالدنيا بسن الطفوله
ذي يكرمون الضيف ماهي دعايات=إلى جاء من الأبعاد تومي ذلوله
هذا وأنا من روس قوم(ن)وهامات=زحول الرجال مكملين الرجوله
الصيعر اللي فعلهم حي ما مات=على مدى التاريخ عرضه وطوله
وصلوا على المختار في كل الأوقات=شفيعنا ذختاره الله رسوله
.gif){kind=icon}
قصيدة مهداه الى الشيخ ضاري مشعان الجربا
رد: قصيدة مهداه الى الشيخ ضاري مشعان الجربا
العرض العادي
