ياقلب عليك بصبرٍ حبله طويل ## و فيه احرص على نايفات العـلوم
ذكر الله ورسول الخلق والتبجيل## والثانية حفظ حقوق البشر والسلوم
والثالثة لو مال الدهر معه لاتميل ## نوخ ركابك ياقلب والطهارة لزوم
زمان ٍ للصدق صار منافقه بديل ## وماغدا صاحب الحق يشكي ويلوم
كل ٍعن قوله الحق خايف ويعيل ## صرنا عن قولة الحق نقدر نصـوم
الرابعة من الثالثة دمعها يهل ويسيل## صرنا ضحايا التطور والباقي يحوم
على لمس الثريا ونجم السما يخيل ## ونسينا العقيدة بصدق النية لزوم
والخامسة ياقلب لاتحزن على ماقيل ## الحزن مافاد قبلي ناس ٍ تبكيه دوم
والسادسة صاحب زمانك اصبح بديل ## صاحبك صار الحكي وياه مذموم
والسابعة غدر ٍ وسكين جروح ٍ نشيل ## والوفا دروب ابوابه صارت تشوم
والثامنة غدا بر الوالدين حمل ٍ ثقيل ## فيهم البر صار من اولويات الهموم
والتاسعة ياقلب تسع ٍ ونيتها شليل ## خوفي من صبرك مايشد الحزوم
وختامها بللي له الذكر والتبجيل ## محمد رسول الله ولابد ذكره يدوم
دام ارواحنا تشهق ونميز التأويل ## نذكره الى يوم حسابٍ مابعده يوم
وسلامتكم