مانيب والله ميّت شعور وإحساس=انا القصيد إليا عصاني..كتبته
يا فاتنه.. ما للأدب عندي قياس= حتى البحر في راحتيني سكبته
من قبل 10 إسنين هدّيت الأنفاس=والغيم طوقته وبيدي قضبته
شاعر ومابين الطواريق لي ساس=والشارده كبلت فمه وجبته
الجرح لو ينطق بماتنطق الناس=ينبيك عن شئ ٍ برا الحال كبته
والكذب لو أدري يبي يرفع الراس=ماجيت لك صادق بعذر ٍ كسبته
مير البلا جرح التعب عانق الياس=وانا لك الله في يميني عطبته
نبذت من يمشي على درب جساس=ومن يطعن ظهور النشامى نكبته
طبعي كذا ماعشت خاين وبلاس=أموت ما حق الأوادم سلبته
جواهر المعنى وتصديق الإحساس=ما ماتت وعندي شعور ٍ كتبته
أبيات وليدة اللحظة وأعتذر إذا كان فيه أخطاء
ميّت إحساس
العرض العادي
