السلام عليكم ورحمة الله
قبل فتره بسيطه طلعت للبر ولفت نظري طير حر ( موكر ) على صخره كبيره. وقربت منه بمسافه
وكانت فيه شجره صغيره ويطلع من وراها طير اسمه ( الحمره ) تطلع وتهد على الطير الحر وترجع مكانه وتهد وترجع..
وقلت بنفسي لو معك طنون من السيوف ماقدرتي على الحر ولافيه مقارنه .
قربت على الطير ابي ابعده عن الحمره وطار.
( هذا المشهد الاول )
واكملت طريقي
وشفت سوداني راعي ابل وماعز وغنم
وكان فيه تيس عليه حداجه من زاهبة البعير رابطه السوداني على التيس.وسالتوه عن السبب.قال انه طاحة من البعير واتعبته وحطه على التيس لين يصل للابل.وقلت فك الحداجه من التيس وحطه بالسياره اوصلك.
ركب معي ولحقنا الابل وكان عددها حول 4 او 5 نزلنا ونزل الحداجه.وشفت ناقه ماعليه وبر وحاطين عليه قطعة من ساحه على ظهر الناقه وسالت السوداني عن السبب.
قال عشان تحماه من الشمس لان ماعليه وبر وقربت على الناقه وعرفت ان القطعه مصنوعه من الصوف
هذا الموقف حصل في مشواري
كملت طريقي وكان يراودني فكري بشخص سابق خبيث الاعمال بمعنى الكلمه
وانجبرت امد يدي عليه ولكن مسكت عن هذا الخبيث بعد ماشرد عن وجهي
وقلت فيه قصيده سابقه من سبع ابيات وطرحتها في الطنايا قبل فتره.
وجمعة سالفته مع اللي حصل معي بالبر
وفيه بيتين عن عبدالله اوجلان الكردي ماعرف كيف جن بالقصيده ولا لي حاجه بعدبالله اوجلان وموضوعه
وماعرف شلون جن هالبيتين لكن ذكرتهن بالقصيده.
لو شفت عقل الحمره صار به طوف=شافت وعرفت مذبحه في حجاجه
لو عندها ماعندها معرض سيوف=مهي لقات الحر ام الخماجه
والمرجلـه مـاهي تماثيـل ووصـوف=صعـبً وصـولـه عـالـيـاتً بـراجه
المرجلـه اقـفـت مـع البـدو بذلـوف=ولـكـنـهـا لـلقـرم شبـت اسـراجـه
اثنيـن مـع واحـد مـع خمسـة احـروف=واخـر ثمـان اسنيـن ضـاع ابتهاجـه
صحيح ربـط الـضـلـع في راس غظـروف=لـيـا فـك ضـلـع الجوف صعبً علاجه
اسمع ولا تسمع وغـمـض عـن الـشـوف=ولـيـا سـالـوك الـنـاس مـشـفـت حـاجـه
تعـيش عمـرك حـر منتـه مكلـوف=واتـرك ردي الناس بـــسوق السماجــه
ينفـخ ويـزمـر كـنـه الـذيـخ مـعـروف=ولـيـا بـغـيـتـه صـار مـثـل الـدجاجـه
هـذي صفـات الي على الشيـن مـالـوف=يـاشـفـت زولــه قلــت هــذا خــواجـه
رقـم الـرجـوله دايـمـاً مـنـه مـحـذوف=دايـم عـلـى سـاس الردي اندماجه
والي بمتن الطايره ذيع مخطوف=ياقشر ساعة هبطته واندراجه
بعبدالله الي ماهذا بقلبه الخوف=الاوجلان اللي على الراس تاجه
صوره قديمه جابها فكر منقوف=ادرج صورها يوم جت العجاجه
كيف البعير يبدل الوبر بالصوف=وحطت على فحل المواعز حداجه
تشقلبت معاد ينفع به الروف=وعيا فتيل اللكس يخاوي الزجاجه
هذا الزمان اللي به الرجل مكتوف=لو هو يعرف الصايبه وان عواجه