اخواني خواتي سبق وان نشرت قصيدتي عشق الطبيعه في هذا المتصفح وقد قمت بنشرهااا في منتدى اخر وقد جارتهااا شاعر ( المميزة) وقمت بالرد عيهاااا
اليكم قصيدتهااا وردي عليهاااا
الهاجس اقفى يتبع الجدي وسهيل=هايم بنشوة مفرداتً أصيله
قافك خذاني واطربتني التراتيل=وارويت عوج مرهفات نحيله
استغفرالله كن ذا القول تنزيل=شاعر ومتمكن ولا فيك حيله
من اول وانتم هل الهجن والخيل =وسيوفكم سقم النفوس العليله
كبار الصحوناللي تزاحم به الحيل=والطيب نوماسً لراعي الجميله
وليا ارتكيتو للعنى والغرابيل=حمولكم ما كل رجل قوي له
يوم العرب تنشد عن العدل والميل=ميزانكم عدل ولا فيه ميله
ويا تايه بالمرجله ضيع الكيل=علم الطواله للمراجل دليله
وتسلم يابوفارس..على محكم القيل=ويسلم لنا راسً كتوفك تشيله
هذه قصيد الشاعره المميزة الذي قامت في مجارات قصيدتي عشق الطبيعه
في احد المنتديات
اهلاً هلا ترفا عن الخزي والميل= تقاد بالشيمه ورشمة كحيله
مارددت شمر هلا بالمقابيل= وماجردة ذيك السيوف الصقيله
وعداد مادقو من البن والهيل=بنجور بغدادٍ تزايد عويله
وماقلطو بام الحلاق المهاطيل= ذيك الصحون معذبة من يشيله
وعداد ماركبو سروج المشاويل= قب ٍ تنازا بالرجال الشكيله
بابيات شعرٍ مثل دق المفاتيل= بذراع غرنوق البنات الطويله
حساسهن في ساعده له مواويل= اليا تتالن بالذراع الجميله
يابنت يابنت الرجال المشاكيل= خطلان الايدي مسهرين الدليله
ياللي ردودك مثمنات التماثيل= لك التحيه ياعنود المسيله
وهذا ردي عى الشاعره المميزه
مجارات المميزة / لقصيدتي عشق الطبيعه وردي عليهااا
العرض العادي
