(جـنـون الـوقـت)
هب الشمال وجابلي ريح الاطلال=وذكرني الاطلال معنى البطوله
اشعل فتيل السالفه بين الابطال=مجدٍ بقاء من آخر كنوز دوله
ياحيف ياوقت المكارم والافعال=ماكن شيٍ صار وأندار حوله
شانت نوايا الذيب ياطيب الفال=من عقب ماهو مرتكي للرجوله
الوقت غير سيرته مثل الاطفال=ينسى ولا يفهم معاني ميوله
اهتز عرش الطيب ياراع الامثال=ضاعت مساعي رحلته من فضوله
هذا جنون الوقت ياكثر الاهوال=في هالزمن كل المبادي عجوله
نرسم ونبني كلها آمال بآمال=نضرب ونطرح بس مامن عموله
ياكثر لجتنا على صدق الاقوال=بس الصحيح إنسير عكس المقوله
ضاعت مبادينا على كل الاحوال=وحنا ندوس الارض عرضه وطوله
ندري وندرك والخطا شر مازال=فينا مقام رجال وفينا طفوله
وصاح الشمال وجابلي كل الاطلال=احرق فتيل السالفه والبطوله
نهيّر النمش
(صفق الهواء)